CHAPITRE CXLI

Vous avez bien oy conter comment le roy de France mist sur mer grans garnisons de Genevois et Normans pour grever les Englès. A ung jour vinrent devant Douvres. A vint que ces escumeurs vinrent à ung dimence, bien vingt mille, devant Hantosne, à heure de messe que les gens estoient au moustier; et prinrent le marée si à point qu^ils entrèrent au havre, et furent maîtres de le ville et des gens. Si les prinrent, roubèrent| et tuèrent plenté de peuple, fammes et enfans, et querquèrent leurs vaisseaux de tout Favoir. Si envolèrent ardoir, par aucuns de leurs coureurs, aucuns vilages à Fentour ; de quoy le pays f u moult effraés et esmeus; et en vinrent les nouvelles jusques à Londres. Lors s'armèrent moult de gent à cheval et à pié au plus tost qu'ils peurent ; mais ils trouvèrent que les François estoient tous retrais, et qu'ils avoient la ville toutte arse et gastée; dont ils furent moult courrouchiés, et le roy de France joieux; et dist que Barbenaîre avoit biencommenchié sur les Englès.