CHAPITRE CXLV

Or manda au conte de Haynnau que ses pajrs lui fust ouvers et apparilliés pour recepvoir luy et ses gens. Le conte , qui bien voloit obéir à Tempereur, si avant que tenus y estoit , et pour garder son honneur par devers le roy de France, respondy qu'il en aroit advis. Si fist , à Mons en Haynnau, estre un grant parlement des barons et chevaliers de son pays. Si fu trouvé qu'il ne pooit contredire à l'empereur ne à son vicaire qu'il ne mesfesist; et d'accort fu rapporté devers le roy, qu'il trouveroit monseigneur le conte et le pays apparilliés. S'en f u le roy moult joieux.