CHAPITRE CLVL

Quant le conte de Haynnau eut conduit le roy Englès jusques au département de l'Empire, dont dist le conte au roy : «Sire, tant que à celle fois je ne chevauceray plus avant avec vous; car je sui priés et mandés de mon oncle le roy, se l'iray servir en son royalme, comme je vous ai servy en l'Empire, d Et le roy dist :« Beau sire, Dieux y ait part ! «Dont se party le conte de Haynnau et toute sa routle, et le conte de Namur, et s'en revint au Quesnoit. Là donna le conte congié au conte de Namur et à plenté de ses gens ; mais il leur pria au partir qu'ils se tenissent prest et pourvéu , car en brief temps il voloit aler devers le roy de France son oncle; et ils lui promirent d'estre tous prests. Or fii passés le roy Englès en France oultre l'Escault. Si appella Henry de Flandres, qui adont estoit escuier, et le fist chevalier ; se lui donna deux cens livres d'estrelins de revenue, sa vie durant. Adont vint le roy logier en l'abbaie du mont Saint-Martm, et s'i tint deux jours, le duc de Brabant dalez luy.