CHAPITRE CLXV

Quant ainsi furent ordonnés sur les plaioi camps, adont ala le roy Englès sur ung cheval, de bataille en bataille, en priant aux seigneurs moult joieusement qu'ils se tenissent pour réronforté et pensaissent de bien faire, car il retenoit sur son àme qu'il se combatoit à bon droit. Et chascuns lui accorda, qui le véoient et ooient voleutiers, en lui prometant que ce droit lui aideroient à garder, tant qu'ils poroient durer, parmy l'ayde de U'eu ; et ne se doubtoient point du grant peuple qu'il savoient que le roy de France avoit avec luy. Et quant le roy ot esté ainsi d'oultre en oultre, il s'en revint à sa bataille. Après ce fist commander que nuls n'alast devant les banières. Ainsi furent toute la matinée atendant les François, qui s'ordonnèrent ainsi que s'ensieut.