CHAPITRE CLXXVni

Or vous conterons du roy de France qui estoit retrais vers Paris et avoit toutes ses gens donné congié. Si fist moult fort renforcier sa navie qu'il avoit sur mer, dont mcssire Hue Kieret, Barbenaire etBahucetestoientcappitaines. Et tenoient foison de Normans et de bidaux et de Jenevois, qui couroient sur mer et faisoient pluiseurs dommages aux Englès. Et conquist ceste armée la belle grosse nave qui avoit tant cousté au roy Englès, que on appeloit Christophe; et estoit plaine de laines et de gens. En ce meisme temps rapassèrent la mer en Escocc le conte de Moret et messire Willame de Douglas , pour ce qu'ils savoient que le roy Englès estoit râpasses, et ils ne savoient qu'il pensoit. Avec eulx passèrent deux cens compaignons François, pour qucrre leurs aventures, par le congiet du roy de France. De quoy le sire d'Aubigny et messire Ernoult d'Andrehen cstoient capitaines.