CHAPITRE CXCIIL

Or vinrent ces nouvelles à Jaquemoo dTArtevelle à Gand. Et quant il sceut que ceulx de Tournay avoient ainsi adommagiet le pays, si en fîit moult courouchiés ; et dist qu'il seroit amendé, et qu'il yroit asalir Toumay, et que jà il n'atenderoitle roy d'Engleterre, ne aultruy. Si fist son mandement moult espécial. Et en peu de temps assambla plus de soixante mille Flamens; puis manda au conte de Salseberich et au conte de Sulfort, qui estoient en garnison à Yppre, que hastivement ilvenissent vers lui, et qu'il en voloit aler vers Tournay ; et asségeroit la cité , et ne deuist avoir autre ayde que de ses Flamens; et dit qu'il estoit bien en eulx.