PROLOGUE

Deux choses sont par la volonté de Dieu establies au monde , ainsi comme deux piliers à soustenir les ordres des loii divines et humaines, qui à créature humaine donnent reigle de vivre en paix et deûement soubs les termes de raison , et qui accroissent et multiplient le sens humain en ccmgnoissance et vertu, et Tostent d'ignorance, et avec ce deffendent et soostiennent et augmentent le bien propre et aussi le public, et sans lesquels seroit le monde ainsi comme chose confuse et sans nul ordre. Et par ce pouvons nous veoir que , comme elles nous soient nécessaires, pour le grand bien d'elles, et le grand profit qui nous en vient , nous les devons souverainement priser, honnorer, soustenir, louer, et avoir en révérence. Iceulx deux piliers sans faille sont chevalerie, et science, qui moult bien conviennent ensemble. Car en pays, royaume , ou empire auquel Tune des deux fâudroit , conviendroit que le lieu eust peu de durée ; car là où science seroit destruicte , loy seroit nulle. Et comme homme ne puisse bien vivre sans loy, et seroit retourné comme en beste , avec ce le royaume ou contrée là où deffence de chevalerie cesseroit, Fenvieuse convoitise des ennemis, qui rien ne craindroient , tost à confusion le mettroit. Or nous a, Dieu en soit loQé! avec les autres biens que faicts nous a, donné ces deux deffences. Mais de Tune parlerons plus avant, au propos que nous voulons traicter; c'est à savoir de chevalerie, en la louant en la personne d*un vaillant et noble chevalier encores au monde , Dieu luy tienne ! aiyourd'huy vivant en bon â[]^c, et prospérité de corps, d'esprit, et

de noble estât : Cest monseigneur messire Jean le Maingre, dit Bouciquaut, mareschal de France; et gouverneur de Jeunes, en laquelle révérence et honneur, pour les dessertes de ses biens foicts, sera au plaisir de Dieu traicté et parfaict ce présent livre , raoontaiit le bien d^ luy, tant en vertu de nobles mœurs , gentillesse et toutes grâces, comme en prouesse et vaiilantise de son corps et bons faicts par luy accomplis, ésquelles vertus on le veoit persévérer de mieuix en mieulx. Et comme à tous par nature ceste vie soit briefve , est chose deûe et de belle ordonnance, afin que le bienfaict des vaillans ne soit mîe amorty, que ils soyent mis en perpétuelle souvenance au monde . c'est à savoir en registre de livres. Et pour ce est-il dict de plusieurs vaillans trespassés, de qui les noms et bontés sont mis en mémoire : que ils ne sont pas morts, ains vivent^ c'est à dire que le bien d'euk n'est pas mort; car leur bonne renommée est encore vive au monde, et vivra, par le rapport des tesmoings des livres, jusques à la fin du inonde. Et avec ce , c'est chose convenable ,* que en mémoire autentique soient mis les bons, et leur nom authorisé : affin que ceulx qui tendent à honneur puissent prendre exemple de bien feire, pour attaindre au loyer de bonne renommée, qui est deûe à ceulx qui le desservent. Mais à un peu revenir au propos de prouver ce que devant est dict, c'est à sçavoir que aussi avecqoes che> Valérie, science doibt estre loQée , comment saurions nous des bons trespassés les biens faicts entre nous humains, de qui l'entendement ne comprend rien des choses passées , fbrs par le rapport d'autruy, si science n'estoit, qui le nous certifie? Ce sont lettres et escriptures, lesquelles sont le premier membre de science, par qui nous