LIVRE DES FAITS

puis ne lui mesfit Si liiy dit Boudquaut par mocquerie : « Les enfansde ton pays se joûent-ils àtels jeux?» D'autres beaux coups et advantureux bien faicts fit le nouvel chevalier à ceste besongne; et tant et si bien s'y porta , que il donna bonne espérance de son Faict à tous ceulx qui le voyoient. Et ainsi fut tout le pays de Flandres subjugué par le roy de France. Et tout ce faict , le roy s'en retourna à Paris. Mais les Flamans indignés contre les François , et désirans de eulx vanger s'ils eussent peu , après que le roy se fut party, pour ce qu'ils veirent bien que ils ne pourroient fbrçoyer contre le roy, et que leur puissance estoit trop petite, pour grever les François, appellèrent les Anglois à leur aide, et les mirent en leur pays : dont, quand le roy le sceut, il y retourna , c'est à sçavoir l'année d'après. Et cestuy feut le voyage de Bourbourg, où le roy prist Bergues d'assault, où les Anglois estoient qui s'enfuirent. A cil assault et es autres besongnes ne fut mie des derniers monseigneur Bouciquaut , ains bien s'y porta que nul mieulx. Et ainsi par trois années le roy alla en Flandres, tant qu'il rendit les Flamans et tout le pays subject à luy, et obéissant à leur naturd seigneur. Le roy, après la prise de Bergues, ^ s'en retournant en France, laissa son connestable Glisson à Téroûenne , accompaigné de bonnes gens d'armes, pour garder la frontière. Mais le jouvencel Bouciquaut ne ressembla mie ceulx lesquels après le grand travail fuyent tant qu'ils peuvent au repos et aise, si comme font les nouveaux et tendres , ains voult à toutes fins demeurer en la garnison avec le dict connestable.