LIVRE DES FAITS
grand , bel et riche. Et aussi ses compaignons firent eoste le sien tendre les leurs, chascunà part soy. Devant les trois pavillons, auques îoignet , avoit un grand orme. A trois branches de cest arbre, avoit pendu à chacune deux escus, Tun de paix, l'autre de guerre. Et est à savoir que mesmes en ceulx de guerre n'avoit ne fer ne acier, mais tout estoit de bois. Goste les escus, à chacune des dictes trois branches j avoit dix lances dressées, cinq de paix, et cinq de guerre. Un cor y avoit pendu à Tarbre , et devoit , par le cry qui estoit faict, tout homme qui demandoit la jouste corner d*iceluy cor, et s*fl vooloit jouste de guerre, férir en Tescu de guerre, et s'il vouloit de rochet, Krir en Tescu de paix. Si y avoit chacun des trois chevaliers feict mettre ses armes au dessus de ses deux escus, lesquels escus estoient peints à leurs devises différemment, afin que chacun pust congnoistre auquel des trois il demanderoit la jouste. Outre cest arbre avoit messire Bouciquaut Eàict tendre un grand et bel pavillon, pour armer et pour retraire, et refreschir ceulx de dehors. Si devoit, après le coup féru en Tescu, saillir dehors monté sur le destrier , la lance au poing et tout prest à poindre celuy en la targe duquel on auroit féru, ou tous trois , si trois demandans eussent féru es targes. Ainsi fit là son appareil moult grandement et très honnorablement messire Bouciquaut, et fit faire provisions de très bons vins, et de tous vivres largement et à plain, et de tout ce qu'il convient, si plantureusement comme pour tenir table ronde à tous venans tout le dict temps durant , et tout aux propres despens de Bouciquaut. Si peut-on savoir que ils n'y estoient mie seuls : car belle compaignie de chevaliers et de gentils hommes y avoit pour les accompaigner , et aussi pour les servir grand foison de mesgnie ; car chascun des trois y estoit allé en grand estât. Si y avoit héraults, trompettes, et ménestriers assez, et autres gens de divers estais. Et ainsi comme pouvez ou]rr fut mis en celle besongne si bonne diligence, que toutes choses dès avant le temps de trente jours furent si bien et si bel apprestées, que rien n'y convint quand le dict jour de la dicte emprise fut venu. Adonc furent tous armés et prests en leurs pavillons les trois chevaliers , attendans qui viendroit. Si fut messire Bouciquaut par espécial moult habillé ri-
chement. Et pource que il pensoit bien que, avant que le jeu faillist , y viendroit foison d'esirangers, tant Anglois comme autre gent, 1 *celle fin que chascun vist que il estoit prest et appareillé, s'il estoit requis d'aucun, délivrer et faire telles armes comme on luy voudroit requérir et demander, prit adonc le mot que oncques puis il ne laissa, lequel est tel : Ce que vous vouLDREz. Si Ic fist mettre en toutes ses devises, et là le porta nouvellement. Les Anglois, qui en tout temps ont eu atine aux François, et qui volontiers se peinent de lesdésavancer et surmonter en toutes choses s'ils peuvent, ou3nrent bien et entendirent le cry de la susdicte honnorable emprise. Si dirent la plus part et les plus grands d'entre eulx que le jeu ne se passeroit mie sans eulx. Et n'oublièrent pas, dès que le dict premier jour fut venu, à estre à belle compaignie, mesmes des plus grands d'Angleterre , si comme cy après on les pourra ouyr nommer.
A celuy premier jour , aiqsi comme messire Bouciquaut estoit attendant tout armé en son pavillon, et aussi ses compaignons es leurs, à tant es vous venir messire Jean de Holande frère du roy Richart d'Angleterre , qui à moult belle compaignie tout armé sur le destrier, les ménestriers comans devant, s'en vint sur la place. Et en celuy maintien , de moult haute manière , présent grande foison de gentils hommes qui là estoient, alla le champ tout environnant Et puis quand ils eust ce faiict il vint au cor, et corna moult hautement. Et après on luy lassa son bacinet qui fort luy fut bouclé : adonc alla ftrir en Fescu de guerre de Bouciquaut qu'A avoit bien advisé. Après ce coup ne tarda mie le gentil chevalier Bouciquaut , qui plus droit que un jonc, sur le bon destrier, la lance au poing et Fescu au col, les ménestriers devant, et bien accompaigné des siens, vous sault de ce pavillon et se va mettre en rang. Et là bien peu s'arreste , puis baisse sa lance et met en l'arrest , el poind vers son adversaire qui moult estoit vaillant chevalier, lequel aussi repoind vers luy. Si ne faillirent mie à se rencontrer, ains si très grands coups s'entre-donnèrenl es larges, que à tous deux les eschines convint ployer, et les lances volèrent en pièces. Là y eut assez qui leurs noms haultement escrièrent : si prirent leur tour , et nouvelles lances leur furent baillées, et derechef coururent l'un contre l'autre.
et semblablement se entreprirent. Et ainsi parfirent leur cinquiesme coup , assis tous de fêr de glaive, si vaillamment tous deux que nul n'y doibt avoir reproche. Bien est à savoir que au quatriesme coup , après que les lances furent ▼olées en pièces, pour la grande ardeur des bons destriers qui fort couroient , s'entreheurtèrent les deux chevaliers si grand coup Fun contre l'autre, que le cheval de TAnglois s'accula à terre , et fùst cheu sans faille si à force de gens il n'eust esté soutenu, et celui deBouciquaut diancela , mais ne cheut mie. Après ceste jouste, et le nombre des coups achevés, se retirèrent les deux chevaliers es pavillons : mais ne fut mie là laissé à séjour moult longuement Bouciquaut; car d'autres y eut moult vaillans chevaliers Anglois, qui semblablement comme le premier luy requirent b jouste de fer de glaive, dont pn cduy jour en délivra encores deux antres , et parfist ses quinze coups assis , si bien et si vaiUamment que de tous il se départit à son très grand honneur. Tandis que Bouciquaut joustoit , comme dict est , ne cuide nul que ses autres compaignons fossent oiseux , ains trouvèrent assez qui les hastèrent de jouster, et tout de for de glaive. Si le firent si bel et si bien tous deux que l'honneur en fut de leur partie. Si ne sçai à quoi je esloigneroye ma matière pour deviser l'assiette de tous les coups d'un chacun, laquelle chose pourroit tourner aux oyans à ennuy : mais pour tout dire en brief , je vous dis que les principaulx qui joustèrent à Bouciquaut les trente jours durant, furent : premièrement celuy dont nous avons parlé , et pais le comte Darbi , qui ores se dict Henri roi d'Angleterre , lequel jousta avec dix coups de for de glaive , car quand il eut jouste les cinq coups selon le cry, le duc de Lanclastre son père luy escripvit que il luy envoyoit son fils pour apprendre de luy, car il le sçavoit un très vaillant chevalier , et que il le prioit que dix coups voulust jouster à luy, le comte Mareschal, le seigneur de Beaumont , messire Thomas de Perci , le seigneur de Qifort, le sire de C!ourtenay, et tant de chevaliers et d'escuyers du dict roi d'Angleterre que ils furent jusques au nombre de six vingt, et d'autres pays, comme Espaignols , Alemans , et autres , plus de quarante , et tous joustèrent de for de glaive. Et à tous Bouciqunut et ses compaignons parfirent le
nombre des coups, excepté à aulcuns qui ne les purent achever, par ce que ils forent blecés. Car là forent plusieurs des Anglois portés paf terre , maistres et chevaulx , de coups de lanceSi et navrés durement. Et mesmement le susdict messire Jean de Holande fot si blessé par Bouciquaut que à peu ne fust mort, et aussi des autres estrangers. Mais le vaillant gentil chevalier Bouciquaut, et ses bons et esprouvés compaignons, Dieu merci, n'eurent mal ne blessure. Et ainsi continua le bon chevaleureux sa noble emprise par chacun jour jusques au terme de trente jours accomplis. Si en saillit à très grand honneur du roy , et de la chevalerie de France, et à si grand los de luy et de ^ compaignons, que à tousgours mais en devra estre parlé. Et s'en partit de là Bouciquaut avec les siens , et s'en retourna à Paris , où il fot très joyeusement receu du roi et de tous les seigneurs , et aussi des dames grandement fostoyé et honnoré; car moult bien l'avoit desservy.
