LIVRE DES FAITS

luy le seigoear de Linières et mesftîre Jean de Liaières son fils. Le seigneur de Chasteaumorant, TErmite de la Faye, le seigneur de Montenay, messire François d*Aubrecicourt, messire Robin de Braquemont , messire Jean de Torsay, messire Louys de Culan, messire Robert de Milly , Messire Louys de Cervillon , messire Renault de Barbasan , messire Louys de Lugoy, messire Pierre de Grassay qui puis porta la bannière de Nostre-Dame , et autres plusieurs bons chevaliers et escuyers de grand renom allèrent avec eulx , desquels je passe les noms pour cause de briefveté. Ainsi alla par mer le mareschal , tant qu'il vint prendre port à Savonne , et là flst toutes ses ordonnances; et ordonna ses capitaines, et bailla à chascun telle charge que bon luy sembla , puis se partit de là pour aller à son voyage. Et ainsi comme il alloit, luy fut rapporté comment cinq galées des gens de messire Lancebs (euoient le siège devant une ville et bel chastel qui sied en une petite isie près de Naples, dppellée Capri , laquelle dicte ville et chastel se lenoient pour le roy Louys. Si tost qu*il sceut ceste chose, il dist à ses gens qu'il vouloit aller secourir le chastel du roy Louys, et que chascun se mist en ordonnance. Si tira celle part : mais quant il y fut arrivé il trouva que ceulx du dict chastel s'estoient ià rendus; loulesfois leur offrit-il son ayde contre les autres , et que ils se retournassent devers leur partie : mais le capitaine le refusa , comme traistre que il estoit au roy Louys. Et bien le monstra : car il jetta hors certains François qui léans estoyent , et le mareschal les recueillit et emmena avec luy. Mais il ne se tint mie à tant, ains alla pour escarmoucher les dictes galées , et icelles fuirent devant luy. Et comme il s en retournoit et estoit remis en son chemin , il rencontra le comte de Peraude, lequel tenoit le party de l.ancelas, auquel il donna la chasse, laut que par force les fit férir en terre, et saillir hors et s'enfuir; et nas gens gaignèrent le navire et tout ce qui estoit dedans. Et ce fait se remit en son chemin et tira au royaume de Cécile, et alla descendre en une dté appellée Messine.