CHAPITRE XXXIl

Des TÎIlet et cbasicaiix que rrmpcrnir , le niaretdis] et lew GOinpaigQie prircQl sur SaiTiisiiis.

Quand l'empereur et le mareschal à tout leur ost eurent séjourné à Constantinoble environ six jours, ils en partirent et relournèrcnt en Turquie. Et allèrent assaillir un bel chastel qui séoit sur la mer Majour, et estoit appelé Rivedroict. Au poinct du jour furent là arrivés. Mais les Sarrasins qui de leur venue avoient esté advisés, et leurs espîes avoient sur mer qui tost leur rapportèrent, saillirent tantost en plains champs, et ne leur contredirent pas le descendre: ains se mirent en belle ordonnance devant le chastel pour leur livrer la bataille; et estoyent bien de six à sept raille Turcs. Et quand ils virent que si grande conipaignie de gens estoyent, et eu si belle esloffe, ils prirent avec eu)x pour croistre leur ost tous les gens qui estoyent en la garnison du dict chastel , excepte une quantité de gens d'armes des meilleurs quç ils eussent , qui leur sembla estre suffisante pour le garder pour un jour conlre tout le monde: car tant estoit fort et hault de luy mesme que il estoit de légère garde. Et quand eurent ce fait, tous serrés ensemble et bien sagement ordonnés, ils se reculèrent et tirèrent un peu en sus du chastel, afin que quand nos gens seroient à l'assault au pied du mur , et seroient esparpillés pour combattre le chastel, que ils vinssent si tost sur eulx que ils nVussent le loisir de eulx assembler ne mettre.en ordonnance. Et par la propre manière que ils avoient ordonné , le cuidèrent &ire six ou sept tbis la journée. Mais le saige mareschal avoit moutt

DE JKAN BOUCIQUAUT. ~ PARTIE 1.

bien pourvéu à ceste malice; car quand il fut à terre avec tousses gens, est à sçavoirque, fempereur et les chevaliers de Rhodes, à tout grand compaignle de gens d'armes et d*arbalestriers, fil demeurer arrangés en moult belle bataille devant le chastel, pour garder que les Turcs ne venissent empescher Tassault. Et en cesle bataille demeura la bannière deNostre- Dame ainsi assise qu'elle dcbvoit. Et quand il eut fait toute celle ordonnance il alla combattre le chastel , et commença Fassault droict à soleil levant. Une autre malice encore avoient faite les Sarrasins pour empescher le dict assaull. Car du costé dont nos gens les debvoient assaillir, ils ^voient fait sur les murs et es faulses brayes, des eschafaults couverts de feurre et de ramille mouillée pour rendre grand Fumée; dont, aussi tost qu'ils virent partir nos gens pour aller vers euli, ils boutèrent le feu en ces eschafaults; afin que ils ne pussent approcher pour les grands feux et pour la fumée. Mais tout ce ne leur valut rien : car nonobstant ce, en peu d'heures fut le mareschal à toute sa gent au pied du mur, et tantost fit par force faire deux belles mines ; et tant furent menées icclles mines, malgré tous leurs empeschcmens, que le mur fut percé en deux lieux. Et là fut fort combatu : car les Sarrasins fort défendoient le passaige. Si y furent faict moult de belles armes; et moult s'y espi ouvèrent vaillamment nos bons François. Et bien y estoit présent qui bon exemple de bien faire leur donnoit, c'est à sçavoir leur vaillant chevetaine qui mie ne s'y espargnoit, ains y tenoit si bien sa place que nul tant n'y travcilloit. Et plusieurs fois celle journée le mareschal fit dresser ses eschelles, où maints raillans hommes tombalirent main à main par grand force contre ceulx du chastel ; lesquels tant s'efforcèrent de jetter grosses pierres de fais sur les eschelles qu'elles ne purent soutenir la charge, et rompre les convint. Et aussi la grande pesanteur des gens d'armes qui par grand désir de bien faire monloient dessus, les faisoit ployer et rompre.

^uand le mareschal, qui toute la journée ne s'estoit retrait de combattre, et qui tant y avoit fait d'armes que ce n'estoit que merveilles » vit que ses eschelles ne pouvoient durer , tantost et vistement fit faire une grande et forte cscbelle de deux antennes de galées; et jà estoit

soleil couchant quand elle fut dressée contre les murs. Celle voult-il garder de trop grand charge ; et par grand diligence luy mesme s'en prenoit garde. Le premier monta sus messire Guichart de la Jaille, qui par long espace combat it vaillamment main à main à ceulx du chastel, qui tant estoient sur luy que ils le désarmèrent de son épée, pour laquelle cause, et non mie par faulte de couraige, le convint abaisser dessous un bon escuyer, qui estoit le premier après luy, qui est nommé Hugues de Tholoigny; lequel tant vaillamment ee combatit que il entra par force le premier dedans le chastel , et le dict messire Guichart après. Et ceulx qui combati« rent en la mine, comme dict est, aussi tant firent par force d'armes que ils y entrèrent. En celle mine, avec plusieurs aultres, combatit moult vail!amment le bon escuyer nommé Jean de Ony, duquel j'ay parlé cy devant, tant que par sa force et le hardement de son bon couraige , malgré les ennemis qui toute peine mettoient à l'en garder, fit tant que 11 entra dedans tout le premier ; et après luy messire Foulques Viguier ; après messire Renauld de Barbasan , et plusieurs autres les suivirent. Si allèrent tantost secourir leurs compaignons qui par l'eschelle estoient montés, et grand besoing en avoient; car ils n'estoient pas plus de dix ou de douze qui sur le mur se combatoient, et estoit Teschelle rompue , pour le grand fais et charge des bous vaillans qui par leur grand couraige s'efforçoient de monter sus. Et par celle manière fut le chastel pris, qui tant estoit fort qu'il sembloit imprenable. Si occirent tous les Turcs qui dedans estoient. Et le lendemain , le mareschal fist le chastel raser tout par terre, qui de grand force estoit ; car de l'une des parts la mer y battoit, et de l'autre une grosse rivière qui vient de Turquie, si que on n'y pouvoit venir que par une part. Mais à toute cesie chose ne mirent oncques contredict les Turcs, qui s'estoient mis en bataille comme dict est devant; car ils virent bien que la force n eust pas esté de leur costé , ains s'en partirent et laissèrent la place. Et quant tout ce fut fait , nos gens se partirent de là et rentrèrent en leurs galées pour eulx en retourner à Gonstantinoble, et vindrent à passer devant une bonne ville appellée le Girol, qui sied à l'entrée de la bouque de la mer M^^our- Peu avant soleil coucliant y arrivèrent î si y