LIVRE DES FAITS

le temps oppressé de grandes guerres , et aussi que c'estoît chose due de pourvoir à la ruine de la cité et pays de Jennes, qui adonc esioit moult malade et adonc au bas, et grand disète avoit de saige répareur ; laquelle dicte cité, en espoir d*avoir secours et aide à sa misérable douleur , s'estoit mise et rendue es bras du roy de :• France comme à souverain prince ; Fut délibéré que il iroit. Adonc par le roy fut commis au bon et saige mareschal Bouciquaut le gouvernement de Jennes et de tout le pays qui aux Jenevois compte et appartient , et feut faict propre lieutenant du roy, représentant sa personne, et ayant Tadministration et baillie de tout en tout, et tenus à Faicts et dicts tous ses establissemens, ordonnances, et commandemens, comme si le roy Fust en personne ; comme le roy luy certifia par ses lectres patentes, passées, signées et scellées présent son conseil.