LIVRE DES FAITS

du mareschal . leur dict que pour Dieu ne le tuassent pas, et que puisque ennemis du dict mareschal estoyent, telle chose leur annonceroit, que s'ils en vouloient estre principans, ils seroient tous riches. Adouc iceuk faisans semblant que bien leur plust ceste chose , luy tirèrent de bouche toute Fentreprise, et comment il portoit lettres à Facin Kan de par Gabriel , que il avoit entre les semelles de ses souliers. Lors iceulx faisans accroire que ils le mèneroient sauvement avec eulx , le menèrent à Jennes. Dont il se trouva esbahy, et secrètement fut examiné, et tantost recongneut toute la chose. Si fut pris messire Gabriel , qui garde ne s'en donnoit , au palais de la ville, auquel habite le mareschal, où s'estoit allé esbatre, pour adviser le lieu, afin de mieulx parfournir sa trahison. Et à tant fiit mené, que de sa propre bouche recongnut tout le faiict. Et comment à certain jour Facin Kan debvoit venir à tout deux mille chevaux et trois mille hommes de pied , devant les portes de Jennes , et crier : a Vive partie Gibeline ! » Que adonc quand les gens du mareschal et les Genevois sortiroient dehors contre luy, messire Gabriel à tout ses huict cent chevaulx debvoit faire sem- .blant de saillir en leur ayde, et avec eulx contre le dict Facin. Mais il tiendroit la porte ouverte, pour donner lieu au dict Facin d'entrer dedans. Et que au casque les Gibelms de Jennes se fu^ sent voulu rebeller, ils eussent esté avec eulx si forts que tous les gens du roy eussent tué. Et au cas qu'ils ne se rebellassent , que au moins courraient- ils la ville et la pilleroient , puis s'en iraient. Si eut après ceste confession messire Gabriel la teste tranchée, comme il Tavoit bien desservy.