LIVRE DES FAITS

expédient que les rois et les grands princes se foignissent estre da lignaige des dieux, comme ^usieurs le firent jadis, comme le roy Alexandre, les empereurs de Rome, et autres. Et de ce (ait mention saint Augustin au livre de la Cité de Dieu. Parquoy nous pouvons dire que <*est chose convenable que ceulx qui ont soubs eulx administration de gens et de peuples, accroissent leurs authorités le plus que ils peuvent, non mie par orgueil, mais pour estre plus craints et obéis comme il appartient. Doncques ne me sçaura pas mauvais gré ce vaillant prend'homme , si je luy ay procréé et enfanté un nouvel hoir, voire si durable que il ne pourra jamais mourir au monde; car voirement les livres qui sont faits représentent les personnes de ceulx de qui ils parlent, si comme fait le fils la mémoire du père. O il ne sera pas plus desdaigneux que fut jadis Pompée-Ie-Grand, à qui ne desplut mie de ce que le saige poète, qui fut nommé Téophanes , avoit escript sans son sceu ses gestes et ses nobles faits, que il mit en moult beau langaige et notable style. 11 ne Teut pas à desdaing; ains quand le volume luy présenta, il en fit joye à grant merveilles; et dit que celuy qui avoit mis peine à prolonger sa mémoire à tousjours-mais au siècle , Tamoit de grand amour, quand il désiroit sa perpétuité; si avoit bien desservy que grand guerdon luy rendist de tel bénéfice et service. Si le rémunéra si grandement, que il le pourvéit de son vivre très honnorablement. Et avec ce pour ce que il avoit honnoré et exhaussé son nom par escript, pareillement le voult honnorer; car il le mit au rang des chevaliers, et le fit citoyen de Rome, qui estoit adonc le plus grand honneur que on pust faire à homme, et n*estoit mie chose accoustumée que on y receust nuls estrangers. Si estoit moult grande dignité, pour les grands privilèges, franchises et excellences de quoy usoient les dicls citoyens. Et avec ce rhonnora de grand louange en ses escripts. en moult bel langaige et très orné, en luy rendant grâces de ce qu'il avoit dict de luy ; et à tousjours fut son familier, et amy singulier, avec les guerdons d'autres grandes largesses que i) luy rendit.