CHAPITRE IL

Certaine chose est , et telle est li oppiniondes Englès, et par expérience on aveu advenir en Engleterre, que, après un vaillant roy, on a veu ensievir ung mains vaillant. Et il s’apparu bien par chils bons rois Édouart qui tant eut à faire aux Danois et aux Escos et les desconfist pluiseurs fois en bataille. Ses fils , qui fu secons Édouwart , ne fue mie si vaillans , ne plains de si grant prudence, mais gouverna le royalme nicement et simplement, par mauvais conseil, dont il lui mesquéy depuis. Car assez tost après qu’il fu couronnez , ly rois Robert de Breux qui estoit rois d’Escoce, qui tantavoit guerroié à son père , reconquist toutes les villes et chasteaux qui avoient en Escoce esté soubz lui conquises du roy Édouars, père à celui roy 'dont nous parlons, et aveuc ce si gasta et essilla plus de quatre journées du royalme d’Engleterre , et desconfist celui roy Édouart par bataille en Escoce, devant un chastel c’on appelle Estroumelin. Et là fu morte ou prinse toute la fleur de la chevalerie d’Engleterre. Et s’en refuy en Eugleterre, à tout ce qu’il avoit de gens. Se vint à Londres. Si fu moult depubliez des gens de son pays ; et disoiton communalsment qu’il avoit rechupt ce dommage par le malvais conseil qu’il avoit.