CHAPITRE VIII

Quant le noble roy de France eut oy ainsi sa seur lamenter, et tenrement plourant remonstrer sa besongne , si l’en prist grant pitié ; ce fu raison. Lors lui dist : «Ma belle seur, apaisez-vous et vous reconfortez ; car, par le foy que je doy à Dieu et à saint Denys , je y pourverray de remède. « Adont la dame s’ajenou ilia, volsist ou non; se lui dist : «Mon très chier frère et seigneur, Dieux vous en veulle oir qui le vous veulle remérir. » Lors le prist le roy entre ses bras , et l’enmena en une autre chambre qui estoit moult richement parée pour ly et le josne Édouart son fil; et là fu conjoye et servie comme à telle royne appartenoit , et luy fist le roy délivrer toutes les choses qui à eulx estoit mestier pour leur estât. Depuis 11e demoura gaires que le noble roy Charle fist assambler plenté de grans seigneurs du royalme , pour avoir conseil et advis quel chose il porroit faire de ceste besongne , car il avoit promis par sa foy confort et ayde. Si fu conseillié au roy, pour le mieulx faire, qu’il laissast à la damme pourcachier amis, pour li conforter, ou royalme et ailleurs, et de sa personne se faindesist de ce fait ; car de mouvoir guerre entre lui et les Englès estoit grans périls; mais couvertement et secrètement lui aidast du sien, d’or et d’argent, et elle trouveroit assez d’amis. A ce s’accorda le roy et l’eut en convent qu’il luy feroit ayde de mise. Adont fu la royne moult resjoye. Et adonc fu querquiés secrètement messire Robert d’Artois, qui estoit l’un des plus grans barons qui là fust , qu’il lui aidast à pourcachier amis aux gentils et nobles bacelersdupays et d’ailleurs. Et ainsi la roynne d’Engleterre, parmy l’ayde de messire Robert, se pourcacha; et tant leur promist et donna , qu’elle eut moult de noble chevalerie et de bonne de son accort , qui tout lui promirent de luy aidier à remectre de force ens ou royalme d’Engleterre, et grant désir en a voient.