CHAPITRE XXIII

Ouant la feste fu passée , le dit messire Hue, qui pas n’estoit làamés, fu amenés devant la roynne et tous les barons. Si lui furent tous ses fais dis et recordés; dont oncques riens n’y eontredist. Si fu là endroit par les nobles barons jugiés à morir, de tele mort comme vous orez. Premièrement il fu traisnés sur ung bahut à trompes et à nacaires, par toute la ville, de rue en rue, et puis en une grande plache, devant tout le peuple, fu amenés et lyés sur une esquielle , leur tout le peuple le véoient. Et enmy celle place on fist faire ung grant feu. Et ensi loye on lui coppa le vit et les coulles , pour tant que l’en disoit qu’il estoit ériteet bougres, et du roy meismes. Et par ce estoient d’accort d’avoir ainsi escachiet la roynneensus du roypar sonennort.Quantsonvit et coulles lui furent coppés , on les jetta au feu , et les fist-on ardoir. Après on lui fendy le ventre ; s’en osta-on, le cuer, et le jetta-on au feu, pour tant qu’il avoit le coer faulx et traytre. Après quant il fu ainsi atournés comme dist est, on luy coppa le chief, lequel on envoya à Londres pour monstrer au peuple, et le corps on mist en quattre quartiers , les quelles furent envoiés au quatre milleurs cités d’Engleterre après Londres.