CHAPITRE XLV

Lendemain atelèrent chartons leur harnois , et le roy et sa route chevaucèrent tant que dedans trois jours se trouvèrent à Ewruich', là où madame la roynne attendoit la revenue de son fil et de ses gens; et là se retraist chascun à l’ostel dont partis s’estoit; et l’un après l’autre prinrent congiet au roy et en râlèrent en leurs marches , liorsmis aucuns des barons et des estrangiers qui encores demourèrent pour faire au roy compaignie. Si deraoura messire Jean de j Haynnau et toute sa route dalez le roy et la I roynne. Si furent Haynuiers grandement festoyé {

et honnouré , et après ce relivrèrent tous leurs chevaulx à monstre, quiestoient fondu et affollé, et remonstre par parolles et preuves fu faite des mors. Si fu chascun recompensés par argent ; et aussi pour leurs frais du retour, ce eurent-ils tout secq. Si quirent les seigneurs petis chevaulx et haghenées pour retourner sus ; et fisrent par leurs garchons tourser baghes et sommiers , et mettre sur mer et venir à l’Escluse , et les seigneurs vinrent parmy le royalme d’Engleterre bien accompaigniés de gens d’armes , pour les archiers qui trop les haioient comme dessus avez oy. Et en convint que le roy y envoia , pour le grant soing qu’il avoit, furent douze chevaliers et trois cens hommes d’armes. Premiers y fu messire Régnault de Gobeham et messire Thomas Waghe, qui estoient meneurs de la route. Si les conduirent jusques à Douvres; et là prinrent congiet et s’en retournèrent devers le roy; et les Haynnuiers passèrent mer et s’en vinrent àWissant; et là se partirent les aucuns de messire Jehan de Haynnau, qui n’avoient point leur chemin à passer parmi Haynnau. En ceste manière se fina l’emprinse dessus les Escos , et s’en rala chascun en son lieu ; et messire Jehan remerchia moult grandement les compaignons , et par espécial les plus longtains, en leur prometant amour et service s’il leur besongnoit.