CHAPITRE XLVIII
Quand les Escos furent ainsi party de le mon-* taigne comme oy l’avez , adont s'en rala chaseun d’eulx en son lieu. Assez tost après cele revenue ? | aucun bon seigneur et preudome d’Engleterre et d’Escoce , l’un par l’autre pour , acèrent devers j l’un roy et l’autre, que une trieuwes furent fais des deux roix à durer trois ans. Dedens ces trieuwes durans , avint que le roy Robert d’Escoce qui moult preux avoit esté, fu si constrains de grosses maladies avec vieillece, qu’il vit que morir le convenoit. Et adont manda tous les barons de son royalme par devant luy, et leur dist que morir lui convenoit. Si leur pria moult affectueusement et leur charga sur leur féalté qu’il gardaissent loyalment son royalme en l’ayde de David son fil, et quant il aroit son eage, qu’il obéissent à lui et le conronassent à roy, et le mariassent en lieu si souffisant que à luy appartenoit. Après ce il appela le gentil chevalier messire Guillaume de Douglas et lui dist : «Messire Guillaume, chier amy , vous sçavez que j’ay eu moult à faire et à souffrir pour garder les drois j de cestui royalme ; et quant j’eus le plus à faire, je fis un veu que je n’ay point acomply, dont il me poise ; ce fu que , se je povoie achever ma guerre , par quoy je pevisse cest royalme gouverner à paix , que je yroie aidier à guerroier les ane- j mis Nostre Seigneur et conforter à nostre sainte | foy, car à ce point a toujours mon cuer contendu ; mais Nostre Seigneur ne l’a point volu consentir; j dont il soit loés; ains m’a envoié si grief maladie que morir me convient, si comme vous véez. Et puisqu’ensy est que mon povre corps n’y peut j aler, ne achever ce que le cuer a tant désiré , je y | voel envoier mon coer en lieu du corps, pour son désir acomplir et mon veu achever. Et pour ce que je ne sçay en tout mon royalme nul chevalier sipreu ne si souffissant comme vous estes, je vous prie, très chier et espécial amy que cel voyage voeilliés entreprendre pour l’amour de moy, et de mon âme acquiter envers Nostre Seigneur; car je tiens tant de vostre loyalté que, se vous l’entreprenez vous l’acheverez; et se vous l’entreprenez j’en moray plus aise , par tel convent que je veul que , si tost que je seray trespas-
D’UNE PARTIE DU PREMIER LIVRE
sés , que vous prenez le coer de mon corps et le faites bien enbausmer. Après prendez tant de mon trésor que assez en ayez pour accomplir tout le voiage , pour vous et pour tous ceulx que vous vorez mener avec vous. Et présentez mon cuer au saint sépulcre, là où Nostre Seigneur fu ensevelis; et le faites si honnourablement qu’il appartient en tel cas, et que j’en ay parfaite fiance en vous. »
