CHAPITRE LI

En peu de temps après ce que messire Guillame de Douglas fu partis d’Escoce, aucuns vaillans seigneurs et sages, pour mettre bone et seure paix entre le royaulme d’Engleterre et celui d’Escoce, traitèrent devers le conseil du roi d’Engleterre pour avoir sa soer en mariage et estre roynne d’Escoce ; et tant y eut de traictiés que le mariage sefist. Et envoia le roy d’Engleterre mademoiselle Ysabel sa seur moult lionnourablement devers le josne roy David d’Escoce , lequel le rechuspt grandement et à grant honneur, et l’espousa à grant joie à Bervich en Escoce. Or me tairav ung petit des besongnes d’Engleterre et d’Escoce, et revenray au noble roy Charle de France.