CHAPITRE LXVI

Quant le roy eut oy leur responce et bonne volenté, si fu moult lies. Et fu du message chargés l’evesque de Durera , le seigneur de Persy, le seigneur de Moubray et le seigneur de Fellenton; et iceulx emprinrent l’afaire. Encore pria le roy à tous que chascuns se volsist pourvéir et estre apparilliés au Neufchastel-sur-Thin , et ils respondirent tous qu’il y seroient volentiers. Si s’en rala chascun en son lieu ; et ossy messire Jehan de Haynnau prist congié au roy en lui

D’UNE PARTIE DU

présentant de bon euer, dont il lui sceut grant gret, en lui disant : «Beaux oncles, moult très grant merchis ! A vous ne à vostre ayde ne renoncé-je point , car se besoing me croist , j’envoieray vers vous, y, Et sur ce se party le sire du roy et de la roynne sa nièpce, qui moult doulcement iuy pria qu’il le volsist recommander à monseigneur son père et à madamme sa mère et saluer ses belles seurs. Et il dist que si feroit-il volentiers; et sur ce se party, et sa compagnie, et s’en revint en Haynnau.