CHAPITRE LXXI

Ainsi se tinrent tout le jour l’un contre l’autre ; et sur le vespre se retrairent Englès à leur logis; et quant vint environ mie nuit, les Escos, qui sont beaux resvilleur de gens , envoièrent leurs nouveaux chevaliers devers l’ost des Englès. Mais bien leur besongna qu’ils fussent bien montés ; car les Englès, qui les atendoient et savoient leur venue , estoient si fort qu’il les mirent à cace; et en y eut plusieurs prins , ainchois qu’il revinssent sur le mont à leur ost.