CHAPITRE LXXY
Quant le roy d’Engleterre fu ou chastel de Rosebourc , il y reposa et y fist la feste de Tousles-Sains ; et y donna moult de beaux et riches joiaux aux bons chevaliers, aux héraulx et aux trompettes. Au sixième jour s’en party et y laissa bonne capitaine , cent hommes d’armes et deux cens archiers. Puis chevaucha le roy devers Haindebourch, ung très bel chastel fort séant sur une montaigne ; mais ains qu’il y peuist parvenir heurent mains assaulx des Escos ; et aussi furent les Escos mainte fois rebouté de monseigneur Guillame de Montagu et de monseigneur Wautier de Maugny qui estoient deux compaignons ensamble. Ces deux rencontrèrent mainte fois les Escos. Ainchois que le roy Engiès venist devant le chastel de Haindebourch, les marissaux de l’ost eurent couru toute la conté de Mare, et tout contreval le marine jusques à le ville Saint- Andrieu ; et puis repassèrent ungbrachde mer, et s’ en vinrent à une ville que on appelle Kinfery. Si l’ardirent, et prinrent l’avoir. De là alèrent à Donfremelin ; là eut moult grant assault ; mais les gens du pays y estoient retrais , qui bien le gardoient, et y fu durement navrés à ung assault le conte de Suffort , messire Edouwart le Despensier , messire Thomas Bisès , messire Ostes de Poncardon. Si s’en partirent à grant perte, et alèrent devers Haindebourch, et trouvèrent le roy séant devant A Dalquest , ung chastel à messire Guillame de
PRIMITIVE
Douglas, quiestoit fors et bien édifiés. Syyavoit une grosse tour vostée qui ne doubtoit nul assault d’engien ne d’aultre chose; et y avoit dedens le fort assez de bons compaignons pour le garder, et ung très bon capitaine et bon homme d’arme que on appeloit Patrix de Donbere ; et portoit d’argent à trois clefs de sable. Nullement le roy ne se voloit de là partir; et y fu tout l’iver séant. Dont advint que, sur le printemps, ces seigneurs d’Engleterre étoient moult courouchiés qu’ils estoient là tant. Si s’avisèrent d’un soutil tour, car à ung matin ils firent armer huit de leurs variés , en leurs proppres tourniquiaus et parés de leurs armes, et bien peu de gens avec eulx; et avoient fait une embuse. Si s’en revinrent devant le pont ; avec eulx ung vallet vestu de fiches parures en abit de héraut , et crioit : « Patrix ! Patrix ! regardez la belle aventure d’armes qui vous vient! véchi ces nobles seigneurs qui her soir, après vin boire, voèrent que huy venroient à vous escarmuchier sans aultres gens. Se vous les poez desconfir, vous poez waingnier cent mille nobles. » Quant le chastellain oy ces parolles, et il recongnut les armes de cesgrans seigneurs tous huit, qui bien cuidoit que ce fussent ils, si dist à ses compaignons ; «Seigneurs, qui treuve saint Pierre à son huis, il n’a que faire d’aleràRomme; vecy nostre heur , se nous sûmes bonnes gens. Or, du bien faire ! car se nous les poons céens avoir, nous aurons l’onneur d’un des plus beaux faits d’armes dont on parla piechà. Avalons le pont et nous hastons. » Ainsi le firent et vinrent jus radement sur leurs chevaulx. Si se férirent sur eulx hardiement ; et ceulx se commencèrent à deffendre ung pau faintement , en reculant, et eulx laissier tirer et battre, et les aultres dirent : « Rendez-vous ! rendez-vous! »Et il disoient : « Non ferons, non ferons. »Et entrues que ceux s’ensonnioient pour eulx tirer et mener prisonniers, Engiès vinrent à cours de chevaulx sur le pont, et renforcèrent; et ainsi fu Patrix pris et decheus soutillement, et tous ses hommes. Si entra le roy dedens, luy rafrescir, à grant joie; puis le garny de gens et de vivres; puis se party le roy et vint devant Haindebourch et l’asega de tous costés. Si y fist getter maintes pierres d’engien , et maint assault y fist; dont pau y conquist, car il y avoit dedens très bonnes gens , et aussy le chastel estoit durement fors. Adont les fouragiers d’Engleterre , messire Guillame de Mon-
D’UNE PARTIE DU PREMIER LIVRE
tagu, et messire Gautier de Manguy fouragèrent et gastèrent le pays jusques à Estrumelin, où pau trouvèrent , car les Escos mesmes l’avoient destruit. Or nous tairons des advenues d’Escoce; si parlerons de celles de France.
