CHAPITRE LXXVII

Quant le dit messire Robert se vit ainsi decachiés , il fu moult courouchiés, et ce ne fu point merveille. Il wida le royalme au plus tost qu’il pot, et s’en vint en Haynnau devers le conte Willame qui gisoit en son lit, malades de gouttes. Si recorda au conte toute son advenue, et le grant haynne où le roy l’avoit prins à tort. Se lui pria que sur ce lui volsist conseillier. Le conte de Haynnau qui estoit son serourge, car il avoient deux seurs, lui dist que pour l’amour de luy volentiers il envoieroit devers le roy et lui aideroit ce qu’il porroit. Dont pria monseigneur Jehan de Haynnau son frère et l’évesque deCambray qu’ils y volsissentaler; et ils dirent qu’ils yroient volentiers. Et tantost se partirent et alèrent en France, bien chargiet de leur message faire, de par le conte de Haynnau , et excusant de bouce et par ni.

lettres messire Robert , et en priant le roy que ses enfans il lui volsist rendre, et sa terre que sans cause il empeschoit. A tout ce le roy ne volt rien entendre; ainçois manda au conte de Haynnau que, s’il confortoit le dit messire Robert qu’il tenoitpour son anemy, qu’il l’en desplairoit; ne aultre responsse ne peurent avoir. Dont revinrent et rapportèrent la response que oye avez, devers le conte qui moult en fu courouchiés; et dist que, s’il fust haitiés, qu’il l’en pesast moult acertes. Et sur ce eut le conseil des seigneurs du pays de Haynnau, qui point ne lui conseillièrent à faire guerre, considéré tout ce que advenir en poroit. Mais tant dirent que, s’il plaisoit à monseigneur le conte lui aidier secrètement de mise, que faire lepooit,etilse pourcachast d’amis au mieulx qu’il peust; dont le conte crut ce conseil; et lui délivra en ayde six mille viés escus; et lui dist qu’il quist amis, et tous jours il le conforteroit secrètement. Dont le commanda à Dieu. Et messire Robert se party atout le mise, et d’autres riches joiaux qui donné lui furent par le contesse et par aultres.