CHAPITRE LXXX
Quant messire Robert sceut que le roi estoit encore en Escoce, il prist guides pour luy mener; et chemina tant qu’il vint à Dancastre , et puis à Bervich , où la roynne Phelippe de Haynnau sa cousine estoit, bien enchainte d’un bel fil qui depuis fu nommés princes de Galles, qui fu moult vailians, dont tant avez oy parler. Quant la roynne sceut que messire Robert son oncle venoitversly, si en eut grant joie et le festia grandement. Si le tint dalez lui six jours. En cel termine vinrent nouvelles ù la roynne que le roy avoit prins le chastel de Haindebourch. Dont dist messire Robert qu’il en voloit aler devers le roy. Si fist la roynne apparillier gens d’armes et archiers. Lors s’en party, et fist tant que bientost fu à l’ost , qui estoit jà mise devant Estrumelin. Et quant le roi sceut le venue de messire Robert, il envoia grandement contre luy; et quant il aproclia , luy meismes luy ala contre. Si le festoia moult grandement et lui dist : « Beaux oncles et cousins , quel besoingne vous amaine par dechù?»- — «En nom Dieu, sire, grant besongne que vous devez savoir, c’est bien raison. » Adont ly conta toute son infortune, et comment le roy Phelippe, à qui il avoit fait tant de biens luitoloitsa terre, et avoit emprisonné ses enfans , et luybanny publiquement du royalme de | France, et que delà la mer n’avoit place où il peuist demourer , ne il n’avoit si bon amy, le I conîe de Haynnau , le duc de Brabant, le conte ! de Namur ne aultres, qui , pour le roy, le peuist soustenir. Quant le roy d’Engleterre l’eut tout oy , si fu moult esmervilliés. Si le conforta et i dist : « Beaux oncles , ne vous esmaiez en riens , car nous avons assez pour vous. Et se le royalme j de France vous est petis, celui d’Engleterre vous sera assez grans. » — « Sire, dist-il , toute mon espérance est en Dieu et en vous. Et à vous je i me confesse , pour voir , que à tort et sans cause ! je me consenty jadis à vostre deshiretance, et fis pour celui roy plus que nuis, qui nul gré ne m’en scet, et qui pas n’y a si grant droit comme ! vous aviez ; car par droite proismeté de le succession du roy Charlon vostre oncle , vous en devenez tenir l’hiretage ; car celui qui l'est , estoit plus loingtains ung point que vous ; car il n’estoit que cousins germains et vous estiez nepveux. » De ces parolles fu le roy moult pensiemr
D’UNE PARTIE DU
mais tant qu’au présent il n’en fist nul semblant, car à ce convenoit grant conseil et advis de le laissier pour l’eure ensy. Si fu messire Robert logiés et pourveus de tout ce que à lui appartenoit. Or retournerons à parler du roy Phelippe de France,
