CHAPITRE LXXXVI

Quant ces seigneurs et deux grans clers vinrent à l’Escluse en Flandres , il furent d’acort de aller premiers en Haynnau ; si se mirent à terre et vinrent à Valenchiennes. Là trouvèrent le conte et messire Jehan qui se tenoit dalez lui en la Salle; dont ils furent moult lies. Là furent moult honnourablement receus. Quant les barons d’Engleterre eurent le conte salué et monseigneur son frère, et fait les révérences , iy ung d’eulx prit les paroles et dist : « Vostre beau fil leroy d’Engleterre nous envoie par devers vous en grant especialté, avec ces lettres, pour avoir vostre conseil et ayde sur les besongnes qui dedens se contiennent , car elles lui touchent haultement à son honneur. » Si lui monstrèrent tout de point en point leur information : que de son droit , à luy appertenoit le royalme de France. Et quant toutes les raisons eurent dittes, si dirent au surplus : comment le roy considéroit les grans aventures * qui pooient chéir en l’emprinse, et que moult de mal en pooit naistre, et qu’il ne voloit emprendre chose qui à son deshonneur luipeuist tourner; et ossy ne voloit-il point que par fautte de corage et d’emprinse son droit lui fust tolus ne ostés :

« Car il treuve en bonne volenté tout son royalme; ■ si sûmes envoiés par devers vous, comme à son

D’UNE PARTIE DU PREMIER LIVRE

père, que sur ceste besongne lui veulliés faire savoir vostre bonne intencion. »