CHAPITRE CXI
Ceux de Blayes mandoient souvent qu’ils fussent secouru , ou il ne se pooient tenir longhement , car famine les constraindoit fort; et ceulx de Bordeaux meismes en a voient escript à monseigneur Robert d’Artois ; mais il tiroient que devant eulx peuissent avoir raquis les autres fors, comme il avoient commenchié. Si mandèrent à ceulx de Bordeaux qu’on les confortast ce que on puist,et en brief il seroient secourus. Or advint que les seigneurs de France qui estaient devant Blayes et qui bien savoient leur destrèce, advisèrent, par grant soutillité, comment ils les porroient décevoir. Et pout leur siège abrégier, si ordonnèrent une grant quantité de somiers cliargiésdevitailles; et en une matinée les fisrent venir par une montaigne devant la ville , affin que ceulx de dedens widaissent après , pour eulx avitaillier. Si ferent les François armer jusques à deux milles de leur ost , et les enbuscèrent en ung val. De ceste embusce estoient souverains le conte Dalphins d’Avergne et le mariscal de Mirepois avec leur route. Si firent de nuyt tout ce que ordonné fu ; et droit au point du jour les somiers furent tous arouté ; dont il en y avoit plus de deux cens. Si vinrent devant hommes , en habit de marchans, crier à ceulx dedens : « Seigneur, faciès bonne chière; vechy vivres qui vous viennent de Miremont et de Bourdeaux. Apparilliés vous pour nous requeullir. » Quant ceulx de Blayes entendirent ces parolles , si furent lies; et ne se doubtoient de le déchoite. Si s’armèrent vistement, et issirent de leur ville environ deux mille hommes ; et se mirent oultre les somiers sur les camps ; et les somiers aprocèrent, que jà en avoit entré en la ville dix ou douze ; et s’ensonnioient ceulx dedens aux somiers à le porte. A ce point vint le embusce grande et grosse, qui vint criant leur cry, à tous leurs banières. Et quant ceulx de Blayes les perchurent , si furent moult esbahis; et se retrairent devers leur ville, et François après , abatant gens
452 REDACTION PRIMITIVE
d’uncosté et d’autre. Mais ceulx quimenoient les souliers, de peur que le porte ne se cloist, effondrèrent trois de leurs mulles tous chargiés desoubs la porte. Là eut si grant encombrier que ceux de dedens ne pooient issir; et aussi n’en avoient il mie grant volonté; mais rentroient en leurs maisons et prenoient le milleur de leurs choses , et les portoient sur l’eauwe en Géronde. Et là entroient fammes et enfans en nefs et en barques ; et ainsi s’en salvèrent plenté , entreus que les autres se combatoient. Adont fu estourmie le grant ost des François qui y vinrent. Et depuis ne durèrent gaires ceulx de dedens ; et furent tous mors ou pris , fors aucuns qui se salvèrent par le Géronde, qui vinrent à Bordeaux avec le marée, comme gens desconfits, qui recordèrent leur malaventure , dont Bordelois furent moult couroucliiés. Si firent savoir ces nouvelles à messire Robert d'Artois qui estoit devant Sembliach.
