CHAPITRE CXXXIV
Or vint le jour que ces seigneurs d’Alemaigne dessus nommés furent consillié. Si renvoièrent,
1 Dans l’année 1368, postérieure au voyage de Froissart et à la présentation de ce manuscrit, ce qui montre que cette copie a dû être altérée.
dedens le jour que enconvent avoient, devers le roy Englès ; et lui mandèrent que ils estoient tout prest, eulxet leurs gens, mais qu’il fesist le duc Jehan de Brabant, qui froidement s’en apparilloit , mouvoir , lequel le devoit encores mieulx faire que eulx , quant si prochain lui estoit , ou aultrement ne se mouveroient. Et quant le roy Englès oy ces nouvelles, si fu plus pensieux que devant. Si se consilla à monseigneur Robert d’Artois et au conte Derby. Si lui conseillièrent que il mandast le duc de Brabant et lui remonstrast toutes ces besongnes. Adont fu mandés; si y ala. Et quant il fu là venus , le roy lui remonstra le mandement des Almans, et que tout estoit en lui d’avoir son ayuwe ou non; pour quoy il lui prioit que par lui ses fais ne fust ariérés, considéré ce que en convent lui avoit, et qu’il y estoit tenus par lingnage. Adont dist le duc qu’il s’en conseilleroit ; et quant conseillié fu, il dist au roy : « Sire , je n’ay mie conseil que, ainchois que je vous en aye plus avant en convent, je feray ainchois reparler à ces seigneurs d’Alemaigne; et adont je vous feray response finable. » Quant le roy vit qu’il n’en pooit aultre avoir , si lui accorda; et fist mandement et prière à eulx qu’ils volsissent estre au jour Nostre Damme my aoust à Diest, à l’encontre de lui et du duc de Brabant. Adont retournèrent messagier par de là; etfu ce parlement assis à Diest, à ce jour Nostre Damme, l’an mil trois cent trente huit.
CHAPITBE CXXXV.
Quant tous ces seigneurs furent assamblés, ils conseillièrent longhement; car la besongne leur touchoit durement. Quant ils furent tous conseilliés , ils dirent au roy tout d’un accort : « Chier seigneur, vostre besongne nous est moult pesans; car nous ne véons mie que nous aions nulle cause de desfier le roy de France pour vostre cause , se vous ne pourcachiez ainchois l’acord de l’empereur qui le nous commande de par luy; et il ara bien cause et raison du faire. Si vous dirons comment. Vray est que le roy de France, quiconques le soit, a juré et sajellé qu’il ne peut ne doit tenir ne acquerre riens sur l’Empire; et ce royPhelippe qui ores règne a fait le contraire, car il a acquis le chastel de Criève-Coer et celui d’Arleux en Paluiel , et pluiseurs hiretages en Cambrésis , que faire ne doit. Pourquoy l’empereur, mais qu’il
en soit infourmés, a cause de lui desfier, et le faire par nous faire qui sûmes ses subgès. Si vous prions que vous pourcachiés , adfin que vous aiez son acort, pour vostre honneur^ t le nostre; et nous aussi y metterons paine à noétre pooir. « Et quant le roy Englès oy ces responses, si fu tous confus; car adont il cuidoit avoir responsce finable , et il vit que c’esloit grans alongemens , dont moult lui annuyoit s’il l’euist peu amender. Si leur dist : «Certes, seigneurs, se plus tost on m’euist ceste raison monstrée, je m’en fuisse de piéchà avanchiés. Et je vous prie que vous m’y aidiés à conseillier, qui véez que je sui de chà la mer en estraingne pays, et si ay longhement séjourné à grans frais et n’ay riens fait. » Dont ils furent tous d’acord que, pour esploitier ceste besoin gne, le marquis de Jullers yroit parler à l’empereur , et y menroit des chevaliers et des clers le roy d’Engleterre , et du conseil le duc de Gherles; et feroient la besongne au mieulx qu’ils poroient. Si se mirent au chemin le plus hastivement qu’ils peurent. Adont présenta le duc de Brabant au roy d’Engleterre le ehastel de Louvaing, pour lui et la roynne demourer ens, tout l’iver ensieuwant , se tant estoit ou pays.
