CHAPITRE CXXXIX

Après ces choses ainsi faites tantost l’empereur dist, oyant tous : «J’ayesté couronnés roy d’Alemaingne grant temps, et à empereur, comme vous savés ; et croy que je n’ay sur nulles de mes gens mespris , ne envers sainte Église , ne ses ministres ; et se nuis pooit faire apparoir que fait l’euisse , je le volroie rendre jusques raison. Si vous dy que je me sui aloiés avec pluiseurs prélas et barons d’Alemaingne au roy d’Engleterre qui cy est , et l’ay fait pour le mieulx faire que laissier. Et cy, en vostre présence, je fay et establi le roy d’Engleterre mon vicaire et lieutenant, partout et en toutes causes. Si veul que tous tenans voisent , aydent et confortent ce roy comme vicaire, partout où mener les volra. »