CHAPITRE CXLIX

Le roy d’Engleterre se party de Vilworde et ala à Brouxelles parler au duc , qui lui eut en convent que, si tost qu’ils eroit à siège, qu’il yroit. Dont se party le roy, et ses gens passèrent au dehors. Et sachiés que Almans venoient bien jusques à vingt mille bien armés , ès routtes du duc de Gherles , du duc de Jullers , du marquis de Misse, du marquis de Brandebourch, le conte des Mons, le conte de Salmes, le seigneur de Franquemont, messire Ernoult de Blanquenhem; et d’aultre part messire Jean de Haynnau et son cousin le conte qui faisoit son mandement à Valenchiennes. Or s’en vint le roy parmy Nivelles , et puis à Mons en Haynnau ; et toudis passoient gens. Puis vint à Valencliiennes lui douzième de chevaliers seulement et là le rechupt le conte moult honnourablement. Et sur les degrés de la Salle deValenchiennes, l’évesque de Nicolle requist et commanda à l’évesque de Cambray par parolles, car point n’estoit là, et dit :« Willame d’Ausone , évesque de Cambray , nous vous ad-

monnestons , de par l’empereur de Éomme , que le roy d’Engleterre vous veulliés recepvoir en la cité de Cambray ou aultrement vous vous four- i faites, » Encore admonnesta -il le conte de Haynnau que il alast servir le roy comme il devoit; et il dist que il feroit ce qu’il devoit. Dont soupèrent à grand’joie.