CHAPITRE CLIX

Le roy d’Engleterre en venoit bien, à quarante i mille hommes armés , droit à la Flamengerie ; et se loga attendant le roi Phelippe, qui vistement le sievoit à bien cent mille hommes; et toudis lui croissoit gens. Et tant esploita le roy de France qu’il vint à Buironfosse. Dont se logèrent seigneurs et toutes manières de gens ens ès beaux plains ; et le roy Englès estoit à le Cappelle et à le Flamengerie en Tieraice. Si n’avoit entre les deux os que deux petites lieuwes. Et en cele meisme nuyt vint le conte de Haynnau en l’ost de France, pour servir son oncle, à cinq cens hommes d’ar-

D’UNE PARTIE DU PREMIER LIVRE

mes, chevaliers et escuiers; et se présenta au roy qui moult honnourablement le rechupt , selon Tinfourmacion qu’il avoit contre luy. Et fu le conte ordonnés par les marissaux , de long au plus près des anemis.