CHAPITRE CLXIII

Or fu le sire de Faigneulles mis à finances, parmi mille viés escus. Et quant son maistre ly Alman sceut qu’il estoit de Haynnau , il vint à monseigneur Jehan de Haynnau et l’en demanda ; lequel en eut grant merveille, et dist que bien le congnissoit. Lors les fist messire Jehan de Haynnau disner dalez lui, le chevalier et l’Alemant; et après disner parlèrent de le ranehon ; et tant que messire Jehan de Haynnau dist au chevalier alemant : « Beau sire, je vous prie que, pour l’amour de moy, vous lui soyez ung paudoulx; car vous savez par quelle adventure il est prins.

4(58 RÉDACTION PRIMITIVE

Vous n’en avez point eu grant paine. «Dont en fu le chevalier tous honteus , et dist en riant : « Monseigneur, se Dieu le m’a envoié , j’en avoie bien mestier; car je perdy her soir tout mon argent aux dés. » Dont commencèrent pluiseurs à rire, et alèrent entre deux, tant que des mille viés escus fu remis à six cens; et tantost messire Jehan de Beaumont les presta et paya. Si délivra le seigneur de Faigneulles et son cheval, et le renvoia arière devers le conte de Haynnau , à qui il recorda son aventure et le courtoisie que messire Jehan son oncle lui avoit faite.