CHAPITRE CLXX

Quant le conte de Haynnau vit que nuis n’aloit avant et se passoit l’eure , si fu moult esmervilliés; et appella monseigneur d’Engien et monseigneur Henry d’Antoing, et leur dist : « Alez devers monseigneur mon oncle, et lui demandez à quoy il pense et quel chose il veult que je face. » Et ceulx le firent voulentiers. Dont s’en alèrent ces deux seigneurs devers le roy, qui jà se retraioit;etyavoit si espesse routte que jamais ne l’euissent peu dérompre. Si trouvèrent monseigneur d’Alençon à qui ils adrécèrent leur mes-

sage, et celui leurdist : «Beaux seigneurs, dites à mon nepveu qu’il s’en voise de par Dieu, car nous n’arons point de bataille. » Ainsy le rapportèrent à monseigneur le conte , qui alors se party de la place, et toute sa routte; car tous les autres estaient jà retrais. Et sans plus parler, s en vint chevauchant jusques en Haynnau vers le Quesnoit.