CHAPITRE CXCIII

Or vinrent ces nouvelles à Jaquemon d’Artevelle à Gand. Et quant il sceut que ceulx de Tournay avoient ainsi adommagiet le pays, si en fut ! moult courouchiés ; et dist qu’il seroit amendé, et ! qu’il yroit asalir Tournay, et que jà il n’atenderoit le roy d’Engleterre , ne aultruy. Si fist son mandement moult espécial. Et en peu de temps j assambla plus de soixante mille Flamens ; puis manda au conte de Salseberich et au conte de Sulfort, qui estoient en garnison à Yppre, que hastivement il venissent vers lui, et qu’il en voloit aler vers Tournay ; et asségeroit la cité , et ne deuist avoir autre ayde que de ses Flamens ; et dit qu’il estoit bien en eulx.