LE DÉBAT DU CHEVAL ET DU LÉVRIER
Froissars d’Escoce revenoit Sus uns un cheval qui gris estoit,
Un blanc levrier menoit en lasse.
« Las ! dist le levrier, je me lasse.
« Grisel , quant nous reposerons?
« 11 est heure que nous mengons. »
— « Tu te lasses, dist li chevaus ;
« Se tu avoïes nions et vauls
« Porté un homme et une male ,
« Bien diroïes : Li heure est male « Que je nasqui onques de mère.»
Dist li le lévriers : « C’est chose elère ;
« Mès tu es grans , gros et quarrés ,
« Et as tes quatre piés ferrés ;
« Et je m’en vois trestous deschaus.
« Assés plus grans m’est li travauls « Qu’à toi , qui es et grans et fors ,
« Car je n'ai qu’un bien petit corps.
« Et ne m’appelle-on un levrier « Fais pour le gens esbanoyer ;
« Et tu es ordonnés et fès « Pour porter un homme et son fès.
« Quant nous venrons jà à l’ostel ,
« Nos mestres , sans penser à el ,
« Il t’aportera del avainne ;
« Et s’il voit qu’aies éu painne ,
« Sus ton dos jettera sa cloque ,
« Et puis par dalès toi se joque.
« Et il me fault illuec croupir.
« Il ne me vient point à plaisir. »
— « Je t’en crois bien , respond Griseaus; « Tu me comptes bien les morseaus !
« Mès je ne compte point les tiens.
« Pleuïst Dieu que je fuisse uns chiens ,
« Ensi que tu es , par nature ;
« S’auroïe dou pain et dou bure « Au matin , et la grasse soupe.
« Je sçai bien de quoi il te soupe.
« S’il n’avoit qu’un seul bon morsel ,
« Ta part en as-te en ton musel ;
« Et si te poes partout esbatre.
« Nul ne t’ose férir ne batre.
« Mes quant je ne vois un bon trot ,
« Jà n’en parlera à moi mot ,
« Ains dou debout de ses talons « Me frera de ses esporons,
« Si qu’à la fois me fait hanir.
« Si tu avoïes à souffrir « Ce que j’ai , par saint Honestasse « Tu diroïes acertes , lasse ! »
Dist le chien : « Tu te dois bien plaindre !
« Ains qu’on puist la chandelle estaindre ,
« On te frote , grate et estrille ,
« Et te cuevre-on , pour la morille ,
« Et si te nettie-on les piés.
« Et s’on voit que tu soies liés « On t’aplanoïe sus le dos ,
« Et dist-on : Or, pren ton repos,
« Grisel , car bien l’as desservi « L’avainne que tu menges ci.
« Et puis on te fait ta littière « De blanc eslrain ou de fléchière ,
« Là où tu te dois reposer.
« Mes j’ai aultre chose à penser ;
« Car on me met derrière un huis ,
« Et souvent devant un pertuis ,
« Et dist-on : Or garde l’ostel.
« Et se laïens il avient tel ,
« Que bien j’en ai tout es les tapes ;
« Car, s’on envelope ens ès nappes « Pain , char, bure , frommage ou let ,
« Et la meschine ou li vallet « Le mengüent ', par aucun cas ,
« Sus moi en est tous li debas :
« Et dist-on : Qui a ci esté ?
« Cils chiens ! Et je n’ai riens gousté.
« Ensement sui , sans ocquoison « D’estrc batus en souspeçon.
« Mès on ne te requiert riensnée ,
« Fors que bien faces ta journée.
« Si te pri cor, avances toi ,
« Car droitement devant nous voi « Une ville à un grant clochier.
« Nos mestres y vodra mengicr;
« Tu y auras là del avainne ,
« Et je aussi prouvende plainne.
« Si te pri , et si le te los « Que tu y voises les galos. »
Respont Griseaus : — « Ossi ferai-je « Car de mengier grant talent ai-je. »
Froissars atant vint à la ville Et là faillirent leur concile.
FROJSSART. 509
celle qu’il aimait, son portrait et la manière dont il en était traité.
