CHAPITRE XXIV

De la fière bataille que on dict de Hongrie, qui fut des chrestiens contre les Turcs.

A revenir à ma matière, quand le roy de Hongrie avec son ost fut arrivé devant la ville de Nicopoli, il se logea par grande ordonnance, et tantost fit commencer deux belles mines par dessoubs terre , lesquelles furent faictes et menées jusques à la muraille de la ville. Et furent si larges que trois hommes d’armes pouvoient combalre tout d’un front. Si demeura à celuy siège bien quinze jours. En ces entrefaites les Turcs ne musèrent mie : ains firent très grand appareil pour courir sus au roy de Hongrie. Mais ce fut si célément que oncques le roi n’en sceut rien. Et ne sçai s’il y eut trahison en ses espies , ou comment il en alla : car combien que il eust estably assez de gens pour bien lit.

prendre garde au dessein des Sarrasins, n’en avoit-onouy nouvelles jusques à celui quinzième jour que il avoit esté au siège , pour laquelle cause ne se donnoit d’eulx nulle garde. Quand vint le seizième jour jusques à l’heure de disner, vindrent messaiges batans, au roi, dire : que le Basat avec ses Turcs estoit à merveilleusement grande armée si près d’illec, que à peine seroit jamais à temps armé son ost et ses batailles mises en ordonnance. Quand le roy, qui estoit en son logis, ouyt ces nouvelles, il fut moult esbahy. Si manda hastivement par les logis que chascuns’armast et saillit hors des logis. Si pouvez savoir que en peu d’heure fut cel ost moult esmu. Chascun y courut aux armes qui mieulx mieulx. Jà estoit le roi aux champs quand on vint dire au comte de Nevers qui séoit à table, et aux François, que les Turcs estoyent au plus près de là , et que le roy estoit tout hors des logis en plains champs, en ordonnance pour livrer la bataille. De ce se debvoient tenir aucunement mal contens le comte de Nevers et les seigneurs françois, que plustôt ne leur avoit le roy mandé; mais encores me doubte que il leur face plus mauvais tours. Celle nouvelle ouye tantost saillit le comte de Nevers et les siens en pieds, et vistement s’armèrent. Si montèrent à cheval et se mirent en très belle ordonnance, et ainsi allèrent devers leroy, que ils trouvèrent jà en très belle bataille et bien ordonnée , et ja pouvoient veoir devant eulx les bannières de leurs ennemis. Et est à savoir sur ce pas cy, que, sauve la grâce des diseurs, qui ont dict et rapporté du faict de la bataille que nos gens y fuirent et allèrent comme bestes sans ordonnance, puis dix , puis douze , puis vingt , et que par ce furent occis par troupeaux au feur que ils venoient , que ce n’est mie vray. Car comme ont rapporté à moy qui après leurs relations l’ay cscript , des plus notables en vaillance et chevaliers qui y fussent, et qui sont dignes de croire sans faille, le comte de Nevers ettousles seigneurs et barons françois , avec tous les François que ils avoient menés , arrivèrent devers le roy tout à temps pour eulx mettre en très belle ordonnance , laquelle chose ils firent si bien et si bel que à tel cas appartient. Et la bannière de Nostre-Dame que les François ont accoustumé de porter en bataille, bailla le comte à porter à messire Jean de Vienne, admirai de France,

pour ce que il estoit le plus vaillant d’entre eulx , et qui plus avoit vu : et fut mis au milieu d’entr’eulx comme il debvoit être. Et de toutes choses très bien s’habillèrent comme faire on doibt en tel cas. Les Turcs d’autre part ordonnèrent leurs batailles, et se mirent en très belle ordonnance à pied et à cheval : et firent une telle cautèle pour décevoir nos gens. Tout premièrement une grande tourbe de Turcs qui à cheval estoient se mirent en une grand bataille tout devant leurs gens de pied; et derrière ces gens à cheval , entre eulx et ceulx de pied , firent planter grande foison de pieux aigus que ils avoient faict apprester pour ce faire. Et estoient ces pieux plantés en biaisant , les pointes tournées devers nos gens , si hault que ils pouvoient aller jusques au ventre des chevaux. Quand ils eurent fait cest exploict, où ils ne mirent pas grand pièce, car assez avoient ordonné gens qui de les ficher s’entremettoient, nos gens qui , le petit pas serrés ensemble alloient vers eulx, estoient jà approchés. Quand les Sarrasins les virent assez près , adonc toute celle bataille de gens à cheval se tourna serrée ensemble, comme si c’eust esté une nuée ; derrière ces pieux et derrière leurs gens de pied que ils avoient ordonnés en deux belles batailles, si loing Tune de l’autre que ils mirent une bataille de gens à cheval entre les deux de pied, en laquelle pouvoit avoir environ trente mille archers. Quand nos gens furent approchés d’eulx, et qu’ils cuidèrent aller assembler, adonc commencèrent ies Sarrasins à traire vers eulx par si grand randon et si drument, que oncques grésil ne goûte de pluye ne cheurent plus espessement du ciel que là chéoientflesches, qui en peu d’heure occirent hommes et chevaux à grand foison. Quand les Hongrès qui communément , si comme on dict , ne sont pas gens arrestés en bataille, et ne savent grever leurs ennemis, si n’est à cheval traire de l’arc devant et derrière , tousjours en fuyant , virent ceste entrée de bataille, pour paour du traict commencèrent une grande partie d’eulx à reculer, et eulx traire en sus , comme lasches et faillis que ils furent. Mais le bon mareschal de France Bouciquaut, qui ne véoit mie derrière luy la lascheté de ceulx qui se retrayoient, ce qu’il n’eust cuidé en pièce, ny aussi ne véoit pas devant eulx et au plus près les pieux aigus qui là malicieusement estoient

î plantés , va dire et conseiller , comme preux et hardi qu'il estoit : «Beaux seigneurs, dit-il, que faisons-nous icy? Nous lairrons nous en ceste manière larder et occire laschement? Et sans plus faire assemblons vistement à eulx, et les requérons hardiment et nous hastons , et ainsi escheverons le trait de leurs arcs.» A ce conseil se tint le comte de Nevers à tout ses François. Et tantost pour assembler aux Sarrasins frappèrent avant, et se embatirent incontinent entre les pieux dessus dicts, qui fort estoient roides et aigus, si qu’ils entroient ès pances des chevaux , et moult occirent et meshaignèrent des hommes qui des chevaux chéoient.

Si furent là nos gens moult empestrés ; et toutesfois passèrent oultre. Mais ores oyez la grande mauvaistié, félonnieet lascheté des Hongrès, dont le reproche sera à eulx à toujours. Si tost qu’ils virent nos gens enchevestrés ès pieux, et que traict ne autre chose ne les gardoit que ils n’allassent courir sus aux Turcs, adonc , tout ainsi que Nostre Seigneur fut délaissé de sa gent si tost qu’il fut ès mains de ses ennemis, ne plus ne moins tournèrent les Hongrès le dos et prirent à fuir. Si qu’il ne demeura oncques avec nos gens de tous les Hongrès fors un grand seigneur du pays que on appelle le grand comte de Hongrie et ses gens, et les autres estrangers qui estoient venus de divers pays pour être à la bataille; mais peu estoient contre si grande quantité. Mais ne croyez que pourtant ils reculassent ne gauchissent , ains , tout ainsi comme le sanglier, quand il est ataint, plus se fiche avant, tant plus se sent envahy, tout ainsi nos vaillans François vainquirent la force des pieux et de tout, et passèrent oultre, comme courageux et bons combatans. Ha ! noble contrée de François ! ce n’est mie de maintenant que tes vaillans champions se monstrent hardis et fiers entre toutes les nations du monde. Car bien l’ont de coustume dès leur premier commencement, comme il appert par toutes les histoires qui des faicts de batailles où François ayent esté font mention, et mesmement celle des Romains et maintes autres, qui certifient, par les espreuves de leurs grands faicts, que nulles gens du monde oncques ne furent trouvés plus hardis ne mieulx combatans , plus constans ne plus ehevaleureux que les François. Et peu trouve l’on de batailles où ils ayent esté vaincus

DE JEAN B0UC1QUAUT. — PARTIE ï. 595

que ce n’ait esté par trahison , ou par la faute de leurs chevetains et par ceulx qui les debvoient conduire. Et encores osay-je plus dire de eulx, que quand il advient que ils ne s’employent en faits de guerre et que ils sont à séjour , que ce n’est mie leur coulpe : ains est la faute de ceulx à qui appartiendroit à les embesongner. Si est dommaige quand il advient que gent tant chevaleureuse n’ont chefs selon leur vaillance et hardiesse; car choses merveilleuses feroient. Mais à revenir à mon propos, les nobles François, comme ceux qui estoyent comme enragés de la perte que jà avoient faite de leurs gens, tant du traict des Sarrasins, comme à cause des pieux , leur coururent sus par si grand vertu et hardiesse que tous les espouventèrent. Si ne fault mie à parler comment ils férirent sur eulx; car oncques sanglier escumant ny loup enragé plus fièrement ne se abandonna. Là fut entre les autres vaillans le preux maresehal de France Bouciquaut qui se fichoit es plus drus, et s’il eut deuil bien leur démonstroit; car sans faille, tant y faisoit d’armes que tous s’en esmerveilloient , et si durement s’y contint, et tant y fit de chevalerie et d’armes diverses, que ceulx qui le virent dient encores que l’on ne vit oncques nul chevalier, ny autre quel qu’il fust, faire plus de bien et de vaillances pour un jour que il fit à celle journée. Aussi fit bien le noble comte de Nevers qui chef estoit des bons François, qui tant bien s’y portoit que à tous les siens donnoit exemple de bien faire. Le vaillant comte d’Eu ne s’y faignoit mie, ains départait les grands presses avant et arrière. Si faisoient les nobles frères de Bar, qui de leur jeunesse, qui encores grande estoit, moult s’y contindrent vaillamment. Et le comte de la Marche, qu i le plus j eune estoit de tous, ne encores n’avoit barbe ne grenon, y combattoit tant assurément que tous l’en prisèrent. Là estoit le vaillant seigneur de Coucy, chevalier esprouvé, qui toute sa vie n’avoit finé d’armes suivre, et moult estoit de grand vertu. Si démonstroit là sa prouesse, et bien besoing en estoit; car Sarrasins à grand massues de cuivre que ils portent en bataille , et à gisarmes , souvent luy estoyent sur le col. Mais leurs colées cher leur faisoit acheter. Car luy], qui estoit grand et corsu et de grand force , leur lançoit si très grands coups que tous les destranchoit. Le chevaleureux admirai de France restoit d’autre

part, qui n’en faisoit mie moins. Le seigneur de la Trimouille , qui à merveilles estoit beau chevalier , vaillant et bon , faisoit souvent Sarrasins tirer en sus. Iceulx barons et esprouvés chevaliers, et de grand vertu, réconfortaient et donnoient hardiesse de faict et de parole aux nobles jouvenceaux de la fleur de lys qui là se combatoient, non mie comme enfans, mais comme si ce fussent très endurcis chevaliers. Et besoing leur en estoit; car tousjours croissoit sur eulx la presse et la foule. Les autres vaillans chevaliers et escuyers François tant bien s’y portèrent que oncques nulles gens mieulx ne le firent. Si fit le grand comte de Hongrie et tous les siens, à qui moult desplaisoit de la laide et honteuse départie que les Hongrès avoient faite. Aussi moult s’y efforcèrent tous les autres estrangers. Hélas! que leur valoit-ce? Une poignée de gens estoient contre tant de milliers. Car si peu estoient que ils ne pouvoient occuper fors seulement le front de l’une des susdictes batailles, où il y avoit de gens plus de trois contre un d’eulx. Et toutesfois , par leur très grand force, vaillance et hardiesse, desconfirent icelle première bataille , où moult en occirent. Pour laquelle chose le Basat fut tellement espouventé, que luy ne sa grand bataille de cheval n’osèrent assaillir les nostres, ains s’enfuyoit tant qu’il pouvoit luy et les siens, quand on luy alla dire que les François n’estoientque un petit de gens qui là ainsi se combatoient, et n’avoient aide de nuis; car le roy de Hongrie à toute sa gent s’en estoit fuy et les avoit laissés; si seroit grand honte à luy d’ainsi fuir à tout si grand ost devant une poignée de gens. Quand le Basat ouït ce, adonc retourna à tout moult grande quantité de gens qui frais estoient et reposés. Si coururent sus à nos gens qui jà estoient foulés, navrés, lassés; et n’estoit mie de merveilles. Quand le bon maresehal vit celle envahie, et que ceulx qui les debvoient secourir les avoient délaissés , et que si peu estoient entre tant d’ennemis , adonc cognent bien que impossible estoit de pouvoir résister contre si grand ost , et qu’il convenoit que le meschef tournast sur eulx. Lors fut comme tout forcené, et dict en luy mesme que puisque mourir avec les autres luy convenoit, que il vendroit cher à ceste chiennaille sa mort. Si fiert le destrier des espérons r et s’abandonne de toute sa vertu au plus dru de

la bataille ; et à tout la tranchante espée que il tenoit, fiert à dextreetà seneslre si grandes colécs que tout abatoit de ce qu’il atteignoil devant soy. Et tant alla ainsi faisant devant luy, que tous les plus hardis le redoutèrent et se prirent à deslourner de sa voye : mais pourtant ne laissèrent de luy lancer dards et espées ceulx qui approcher ne l’osoient ; et luy comme vigoureux bien se sçavoit deffendre. Si vous poignoit ce destrier qui estoit grand et fort , et qui bien et bel estoit armé, au milieu de la presse , par tel randon qu’à son encontre les alloit abatant. Et tant alla ainsi faisant toujours avant , qui est une merveilleuse chose à raconter; et toutesfois elle est vraye, comme tesmoignent ceulx qui le virent, que il transperça toutes les batailles des Sarrasins, et puis retourna arrière parmy eulx à ses compaignons. Ha! Dieu! quel chevalier! Dieu lui sauve sa vertu! Dommaige sera quand vie luy faudra ; mais ne sera mie encore , car Dieu le gardera. Ainsi se combatirent nos gens, tant que force leur put durer. Ha! quelle pitié de tant noble compaignie, si esprouvée gent, si chevaleureuse, et si excellente en armes, qui ne put avoir secours de nulle part, ains churent en la gueule de leurs ennemis , si comme est le fer sur l’enclume! Car tous les environnèrent et envahirent de toutes parts, si mortellement que plus ne se peurent deffendre. Et quelle merveille! car plus de vingt Sarrasins estoyent contre un chrestien. Et toutesfois en occirent nos gens plus de vingt mille : mais au dernier plus ne purent forçoyer. Ha ! quelle dommaige et quel pitié! Ne dust-on on pendre les desloyaux chrestiens qui ainsi faulsement les abandonnèrent ? Que male honte leur puisse venir ! car si de bonne volonté eussent aidé aux vaillans François et à ceulx de leur compaignie, il n’y fust demeuré Basat ne Turc, que tout n’eust esté mort et pris, qui grand bien eust esté pour la chrestienté. Si furent là morts et occis de ceste chiennaille la plus grande partie des chrestiens; et des barons, le seigneur de Coucy, dont moult fut grand dommaige, car vaillant chevalier, saige et esprouvé estoit. Aussi fut l’admirai et maints autres. Niais nos seigneurs du sang de France, et la plus grande partie des barons , et plusieurs chevaliers et escuyers, furent retenus prisonniers , qui avant ce moult vigoureusement se

combatirent. Entre lesquels le maresclial , lequel comme celuy qui tenoit sa vie pour perdue , et cher la vouloit vendre, avoit faict entour luy à force de coups si grand cerve de morts et d’abatus que nul ne l’osoit approcher pour le prendre; car, comme lyon forcené qui rien ne redouble, sembloit que il fust entre eulx. Pour laquelle chose moult y eurent grand peine , et plusieurs des Sarrasins y convint mourir avant qu’il pust estre pris : mais au dernier , tant le pressèrent qu’à force avec les autres l’emmenèrent.