CHAPITRE VI

Cy commence à parler comment les Pisains se rebellèrent contre leur seigneur , et comment le mareschal se peina d’y mettre paix.

Pour ce que tout ne se peut dire ensemble , convient raconter les matières Tune après l’autre , combien que plusieurs des choses dont nous parlons soyent advenues en un mesme temps. Si est vray que, en l’an mille quatre cent cinq , les Pisains se rebellèrent contre leur seigneur, et le chassèrent de la seigneurie de Pise , selon la générale coustume qui est au pays de delà de non eulx tenir longuement soubs une seigneurie, quand ils se trouvent les plus forts. Donc quand iceluy seigneur se vit ainsi débouter de son héritaige par ses mauvais subjects, pour ce que il sentoit que il n’avoit mie assez de gens et force pour les remettre en subjection , se va retirer vers le mareschal , comme à lieutenant du roy de France son souverain seigneur , à qui il avoit fait hommaige de son dict héritaige, luy requérir ayde au nom du roy , comme seigneur doibt au besoing secourir son vassal qui le requiert à son ayde. Quand le mareschal entendit ceste chose, moult luy en pesa. Si luy respondit que , avant que on allast sur eulx par voye de fait et de punition , que luy mesme se mettroit en toute peine pour les remettre en accord et en bon amour ; car si par armes destruisoit son pays , le dommaige luy en demeureroit. Pour ce ne luy conseilloit , si iroit parler à eulx. Et adonc se partit de Jennes , et alla en un lieu qui est assez’près de Pise, que on apppelle Portum-Vendre. Si fit sçavoir aux Pisains qu’il estoit là venu pour parler à eulx. Adonc vindrent vers luy les principaulx d’entre eulx , et grand peuple en leur compaignie. Lors leur prit à dire le mareschal par amiables paroles , que il estoit bien courroucé de ce que ainsi s’esloyent rendus désobéissans et rebelles à leur seigneur , qui

tant leur avoit esté et estoit bon et amiable , et qui si chèrement, luy et sa mère madame Agnès, les avoit aimés et gardés soigneusement de tous encombriers à leur pouvoir, comme bon seigneur doibt faire ses subjects , et encore avoit volonté de leur faire de mieulx en mieulx. Si se voulsissent adviser et venir vers luy à miséricorde et à mercy, et luy amender ceste grande offense; et il feroit tant vers luy que il lesprenclroit à mercy et leur pardomieroit son maltalent ; car pour mettre paix entre eulx estoit-il là venu. En ceste manière les prescha le mareschal , et moult leur dict de belles paroles. Et quand il eut dict, ils respondirent , à brief parler, qu’ils n’en feroient rien , et que plus ne vouloient de sa seigneurie : mais que ils le supplioient que luy mesme voulsist eslre leur seigneur, et accepter et prendre la seigneurie de Pise et de tout le comté ; car luy seul avoient agréable , et non autre : car ils savoient bien que par luy seroyent gardés , portés et défendus , et que si prendre les vouloit, ils luy obéiroient doucement , et loyauté , honneur et amour luy porteraient si loyaument comme bons et loyaulx subjects doibvent faire à leur seigneur ; si ne voulsist mie refuser cest offre que de bon cœur luy faisoient. Le mareschal respondi t : que jamais telle pensée ne leur vinst au cœur, car ce n’estoit mie l’usaige des François d’user de tels tours ; et ne le feroit pour mourir : mais les prioit que ils le voulsissent croire , et retournassent vers leur seigneur, et fussent bons subjects et vrais obéissans , et que il leur promettoit que, si ainsi le faisoient, il seroit leur amy, et leur aideroit, et les porteroit contre tout homme, tout en la manière que s’ils feussent à luy proprement , et mesmement contre leur seigneur , s’il luy venoît à congnoissance que il voulsist sur eulx viser d’aulcun tort. Que plus en diroye ? Les Pisains respondirent que pour néant en parloit, et que jamais messire Gabriel ne seroit leur seigneur, pour chose qui pust advenir, et que ainçois tous se laisseroient destrancher. Mais puis que luy mesme ne vouloit estre leur seigneur et les prendre à subjects, ils le prioient que il allast à un chastel qui sied sur la mer que on appelle Ligourne , et là est le port de Pise, et que là iroient à luy , et se donneraient au roy de France, tout en la manière que avoient faici les Genevois.