CHAPITRE VIII

Comment le mareschal se Iravailloit tousjours que ceulx de Pise se donnassent au roy de France.

Quand les desloyaux Pisains eurent fait cest exploict, ils doublèrent Tire du mareschal, et que il leur voulsist courir sus pour les destruire, comme bien l’avoient desservy, et que faire le vouloit. Mais pour dissimuler et couvrir leur mauvaistié, et pour en faire encore une plus grande, envoyèrent des principaulx d’entre eulx en ambassade devers luy : lesquels luy dirent que, pour Dieu, il ne se voulsist mie courroucer contre eulx , et que ce qui avoit esté fait oultrageusement et à leur grand tort, que ce avoit fait le menu peuple sans le consentement des principaux, et qu’ils estoyent tous prests de luy en faire telle satisfaction et amende qu’il sauroit demander, et que ils estoient bien d’accord de eulx donner au roy, comme ils avoient promis. Le mareschal qui ainsi les ouït parler, ne voult mie user envers eulx de grand rigueur, pour ce que il tendoit tousjours que il pust tant faire que il les tint subjects du roy. Si leur dict que voirement tant avoyent mesfait que plus ne pouvoient; et plus luy pesoit de ce que le roy avoient injurié, que de luy, ne de ses gens: mais que au fort tout leur seroit pardonné , mais que ils se donnassent au roy, ainsi que promis avoyent. Et ils dirent que si feroient-ils sans faille. Si retourneroient par son bon congé devers les autres citoyens de Pise, leur dire la bénignité qu’ils avoient trouvée en luy, et qu’ils venissent là pour du tout confirmer la chose. Mais que pour Dieu ils le prioient que pendant ce traicté il ne voulsist aulcunement procéder

rigoureusement contre eux , et il leur promit que non feroit-il. Et à tant partirent les desloyaulx, qui tout ce ne faisoient que pour le tenir en paroles, pour en ce tandis mettre à fin le desloyal exploict où ils tendoient. Car au temps que ce traicté duroit, de toute leur puissance assailloient la citadelle de jour et de nuict, d'engins de trait, et de canons. Et plus grande mauvaistié firent. Car chascun jour, à force d’engins, jectoient en la forteresse plus de cent cacques plains des ordures de la ville, de poissons, de charongnes pourries, et de toutes punaisies. Si firent grands fossés entre eulx et la citadelle, et la séparèrent de la ville. Et pource que elle sied à un des bouts de la cité , comme fait le chastel de la bastille Sainct-Anthoine à Paris, ils les enfermèrent du costé des champs à fossés et bastilles que ils fortifièrent, afin que ils ne pussent avoir secours. Et ainsi les assiégèrent de toutes parts , et s’efforçoient sans cesser de les prendre par force. Mais ce n’estoit mie légère chose; car moult est la place forte. Et avec toutes ces choses, bien faisoient garder tous les passaiges, afin que le mareschal n’en pust avoir nulles nouvelles. Plus grande trahison voulrent encore bastir et faire ; car ils envoyèrent leurs ambassadeurs à Florence, garnis de belles lettres de puissance de pouvoir donner à la dicte seigneurie de Florence quatre chasteaux lesquels ils vouldroient prendre et choisir en leur seigneurie de Pise, et avec ce les affranchir de toutes les marchandises que ils feroient jamais en leur seigneurie, mais que iis voulsissent aller à toute leur puissance avec eulx mettre le siège devant le chastel de Ligourne, où le mareschal estoit, et leur seigneur messire Gabriel avec luy, et faire tant que ils fussent pris et livrés à eulx. Mais à ceste chose ne voulrent point les Florentins se consentir. Et en ces entrefaites que ils bastissoient ceste chose, les ambassadeurs de Pise retournèrent devers le mareschal, afin que il ne s’apperceust de rien de ce que ils faisoient; afin que ils pussent en (andis que ils le tiendroient en paroles prendre la citadelle, et aussi trouver voye s’ils pouvoient de l'assiéger à Ligourne. Si luy dirent que les Pisains estoyent tousjours bien d’accord de eulx donner au roy comme ils avoyent promis : mais ils vouloient que,ainçois qu’ils s’y donnassent, que le mareschal leur baillast et délivras! trois chasteaux en

leurs mains, c’est à savoir la citadelle, le chastel de Ligourne , et celuy de Lipefaite , que tenoit encores messire Gabriel en sa main. Et le maresclial leur res ponditadonc : « Que voulez-vous faire d c la citadelle ? » Et ils respondirent : « Nous la voulons raser par terre, et tenir les autres deux chasteaux en nos mains.» — «Quelle seigneurie, ce dict le inareschal, aura doneques le roy sur vous, ne quel pouvoir auroit-il de justicier les mauvais et les punir?» — «Nous ne voulons, ce dirent-ils, que il y ait autre seigneurie fors que le nom d’en estre seigneur. » — «Peu de chose , ce dict le mareschal, feroitau roy celuy tiltre; mais donnezvous-y comme ceulx de Jennes ont faict, ou ainsi que vous vous donnastes à messire Girard de Plombin , duquel le duc de Milan eust depuis la seigneurie et le tiltre. «Adonc respondirent les Pisains une fois pour toutes que rien n’en feroient, et à tant se départirent. Si vit bien et apperceut te mareschal que leur fait n’estoit fors toute tromperie , et que pour le mener à la longue l’avoient jà tenu en paroles l’espace de vingt-deux jours. Et messire Gabriel qui voyoit que tout ce n’estoit que décevance, prit à traiter avec les Florentins de leur vendre Pise et tout son droict de la comté. Mais le mareschal qui tousjours y avoit la dent, encore se voult mettre en son debvoir de s’essayer avant que aux Florentins aulcune vendition en fust faicte. Si envoya six des plus notables de la ville de Jennes devers eulx, pour leur remonstrer et dire qu’ils ne voulsissent pas eulx-mesmes destruire ; car leur seigneur estoit en paroles de les vendre aux Florentins , lesquels ils savoient bien que point ne les aimoient , et qui mal les traicteroient ; si se advisassent bien , et se donnassent au roy comme ils avoyent promis , et grand bien et profit leur en viendroit; si vivroient en paix et à seur. Tandis que ces ambassadeurs estoient allés à Pise, les Florentins envoyèrent au mareschal la copie des lettres de la puissance que les Pisains avoient baillées aux ambassadeurs de Pise , pour faire tant avec les Florentins que ils allassent assiéger le mareschal à Ligourne , comme dict est. Et ce mesme jour eust messaige et nouvelles de son nepveu le Barrois , et des autres prisonniers , comme vilainement estoyenttraictés , et que on les avoit mis à rançon , et que pour Dieu , nonobstant que la rançon fust assez grande, que il les

voulsist délivrer de celle eharlre : car ils estoyent à grande souffreté et péril de leurs corps. De ceste chose fut moult dolent le mareschal , et bien luy estoit manifeste la grande trahison et mauvaistié des Pisains. Et si ne fust que il avoit jà mandé en France au roy et à son conseil que ceulx de Pise s’estoyent donnés à luy, il n’eust pour rien tant attendu de leur courir sus, et de leur monstrer leur trahison et mauvaistié ; mais il aimoit plus tost souffrir, que les envieux, dont bien savoit que assez en avoit en France et ailleurs, pussent dire que le roy eust par son arrogance perdu sa seigneurie. Si ordonna tantost de la délivrance des prisonniers. Et les messaigers genevois qui furent envoyés à Pise n’y firent rien ; ains leur respondirent les Pisains telles paroles : «De tout ce que vous nous requérez nous ne ferons rien, et ne nous en parlez plus, mais faictes mieulx. Ostez la seigneurie à votre roy, et tuezBouciquaut et tous ses François, et vivez en république comme nous, et soyons tous unis comme frères, vous et nous , et vous ne serez que saiges. » Geste responee rapportèrent les dicts ambassadeurs , qui autre chose n’en purent tirer.