CHAPITRE XI

De l’ordonnance de vivre du mareschal.

Aucuns dient que : diligence passe sens. Mais qui tous les deux peult avoir ensemble , il ne fault mie à attaindre à maints grands biens. Et de ce est bien garny le mareschal; car tant aime la venu de exercice, et tant hait oisiveté, que à peine pourroit-il estre pris ne trouvé à nulle heure que il ne s’exercitast à aulcune bonne œuvre. Si dirons de sa manière de vivre , et de employer le temps , après que nous avons dict de ses vertus. Il se lève par chascun jour coustumièrement moult matin. Et ce fait-il, afin que il puisse employer la plus grande partie de la matinée au service de Dieu, avant que l’heure vienne que il doibt vacquer aux autres besongnes mondaines que il a affaire. Si se tient en œuvre d’oraison environ trois heures. Après ce il va au conseil, qui dure jusques à heures de disner. Après son disner, qui est assez brief , et en public (car nulle fois ne mange que d’un mets de viande, ni ne sçait que l’on luy doibt apporter à manger, ne jamais mange saulse d’espice, ne autre, fors verjus et sel , nv n'est servy en argent , ni en or ), il donne audience à toutes manières de gens qui veulent parler à lui , et luy faire aucune requeste. Si n’y a mie petite presse, souvent advient; mais si grande, que toute la salle en est plaine, que d’estrangers , que de ceulx qui nouvelles luy apportent de divers pays , et d’uns et d’autres. Et à chascun il parle gracieusement , et rend responces si bénignes et si raisonnables que tous s’en tiennent contens, selon leurs demandes; et tous expédie l’un après l’autre. Et tost et brief les délivre , sans leur faire longuement en la ville en long séjour despenser le leur. Après il se retire , et adonc fait escripre

lettres où il les veult envoyer, et ordonne à ses gens ce qu’il veult qu’il soit fait. Puis va à vespres, s’il n’a autre trop grande occupation. Après vespres derechef il besongne un peti , ou parle A ceulx qui ont à parler à luy, jusques à l’heure qu’il se retire. Et adonc achève ce qu’il a à dire de son service, et puis va coucher. Aux jours des dimanches et des festes, il occupe le temps à aller en pélerinaiges tout à pied, ou à ouïr lire d’aucunsbeaux livres delà viedes saincts, ou des histoires des vaillanstrespassés, soit Romains ou autres , ou à parler à aucunes gens de dévotion. Et telle est la manière et l’ordre de vivre qu’il tient, quand il est à séjour en la cité de Jennes dont il est gouverneur. Et quand il chevauche en armes, nul ne pourroit prendre plus grand soing ne greigneur peine qu’il prend pour faire toutes choses convenablement, et comme il appartient, et si bel et si bien que nul ne se plaint fors les ennemis. Et ainsi que dit le proverbe commun : « Selon seigneur, mesgnie duite , » il prend garde de prendre gens à son service qui soyent bons et de bonne vie , et s’il y a voit en aulcuns quelque mauvaise tasche ou laid vice , jà si grand ne seroit que il ne chassast d’environ soy. Si fait moult de biens à ceulx qui le servent, et ils l’aiment loyaument , comme ils doibvent, et le servent diligemment, obéissent, craignent et doubtent. Et ainsi ce très vaillant homme pour la très grande ardeur qu’il a continuellement que toutes choses qui luy touchent soyent bien faites , ne prend comme point de repos ne nul esbatement. Laquelle chose vrayement, tous ceulx qui l’aiment et qui désirent sa santé et longue vie, laquelle est bien séante et comme nécessaire au monde, et Dieu luy tienne, luy debvroient déconseiller de prendre si grand soing , et si continuel, sans aucune récréation de quelque esbattement. Car si que dient les autheurs : si grande sollicitude est moult préjudiciable à la vie et santé du corps, à demeurer en si grand soing sans délaisser; car quand l’imagination est travaillée de plusieurs choses diverses l’une sur l’autre, elle rend l’entendement, qui est las de comprendre tant de choses, comme tout aveugle, et par longue couslume engendre mélancolie qui trouble aucunes fois la mémoire : dont peuveut sourdre plusieurs maladies. Et mesmement , disent les saiges , que c’est grand

péril de s’endormir ne aller coucher en telle lasseté d’entendement , et sans avoir prins auparavant aulcune récréation de joyeuseté ou d esbatement. Car ils dient que, adonc que 1 homme dort atout sa fantaisie ainsi travaillée, 1 esprit souffre peine en songeant choses mélancoliques et desplaisantes. Et pour ce, afin de remédier aux inconvéniens qui en peuvent ensuivre , les dicts saiges conseillent à ceulx qui sont tant occupés ou d’estude, ou d’autre continuel affaire, auquel il convient que l’entendement travaille, que ils cessent aucune heure du jour de ouvrer . et qu’ils récréent et réjouissent leur esprit d’aucune joyeuseté et esbatement qui puisse reconforter nature , qui peut être grevée par prendre trop grand et continuel soing.

Si est moult à propos au reconfort de telle lasseté ouïr chanter doucement, ou jouer d’aucuns doulx instrumens, ouïr paroles joyeuses sans péché ne vice , ou quelque chose qui face rire , et qui réconforté aulcunement nature, laquelle est en créature humaine si tendre , que elle est de peu de chose grevée et affaiblie. Et n’est point de mal de resjouir la vertu qui gist en l’âme et en l’entendement pour récréer et reconforter aulcunement la sensualité du corps; mais que on ne face point de péché ne chose vitieuse ; ne il ne desplaist point à Dieu, car n’est-il pas escript mesmement que un sa inet preud’homme hermite, quand il avoit esté une pièce en oraison, prenoit sa récréation et son esbatement en petits oiselets que il nourrissoit? Dont il advint que une fois passoit par devant son hermitaige un gentilhomme qui portoit un arc derrière luy, et va murmurer du bon homme qu’il voyoit esbatre à petits oiselets qu’il tenoit sur son doigt. Si dict en soy mesme : «si cest hermhe estoit si sainct comme on dict, il seroit toujours en oraison, ni «oueroit pas à ces oiseaulx.»Et lors le sainct homme, qui fut inspiré par vertu divine de ce que l'autre avoit pensé, le va arraisonner et le va prier que il voulsist tendre l’arc que il portoit, et l’autre le lendit. Et l’hermite le pria que il le laissast toujours tendu ; et il respondit que non feroit, car il gasteroit son arc qui, par continuellement eslre tendu, perdroit sa force et cleviendroit si lasche que il ne pourroit tirer loing. Adonc luy respondit le bon homme : «Beau fils, ainsi est-il de nature humaine, dont la foiblesse est si grande que elle ne souffre à l’homme, sans

trop grande grevance , estre continuellement en contemplation en aulcun labeur; si convient donner quelque plaisir à l’esprit , et qu’il se joue quelques fois , afin qu’il soit après plus prompt et plus prest à ouvrer de son entendement. »