CHAPITRE CLXXX

d'Auroy, meMire Charte de Vcnne» , laquelle k rendit a lui.

Ainsi reconquit messire Charles de Blois le fort châtel d'Auroy, par affamer ceux qui le gardoient, où il avoit sis par l'espace de dix semaines et plus. Si le fit refaire et rappareûler, et bien garnir de gens d'armes et de toutes pourvéances, et puis s'en partit et alla à tout son ost assiéger la cité de Venues, dont messire Geffroy de Malestroit étoit capitaine, et se logea tout autour. Lendemain, aucuns compagnons bretons et soudoyers qui gissoient en une ville qu'on appelle Pioyermel , issirent hors et se mirent en aventure pour gagner : si vinrent assaillir l'ost messire Charles, et se férirent en l'un des

, un» uo . — vu» , .

l'ost fut estounni, et perdirent de leurs gens grossement : les autres s'enfuirent , et furent suivis jusques assez près de Pioyermel, qui étoit assez près de Vennes. Quand ceux de l'ost qui étoient armés furent revenus de la chasse, ils allèrent, de ce retour même, assaillir la ville de Vennes fortement et roidement, et gagnèrent par force les barrières jusques à la porte de la cilé.

Là eut très fort assaut , et plusieurs morts et navrés d'une part et d'autre , et dura jusques à la nuit. Adonc fut accordé un répit qui devoit durer lendemain tout le jour, pour les bourgeoii conseiller, s'ils se voudroient rendre ou non. Lendemain ils furent si conseillés qu'ils se rendirent, mau-gré messire Geoffroy de Malestroit

leur capitaine; et quand il vit ce, il se mit hors de la cité descongnuemcnt, entrementes qu'on parlementoit , et s'en alla devers Hainebon. Et le parlement se fit ainsi, que messire Charles de Blois et tous les seigneurs de France entrèrent en la cité et prirent la féauté des bourgeois, et se reposèrent en la cité par cinq jours; puis s'en partirent et allèrent assiéger une autre forte cité que on appelle Craais. Or lairay à parler un petit d'eux, et retournerai à messire Louis d'Espaignc.