CHAPITRE CXC

i fut prit; et

meiaire Char 1rs de Rloù rut occis en U bataille; et fleur de la cberaleric de Bretagne et de Normandie

la ou

Encore se combattaient les autres batailles moult vaillamment, et se tenoientlcs Bretons en bon convine; et toutefois ,^ parler loyalement d'armes , ils ne tinrent mie si bien leur pas ni leur arroy, ainsi qu'il apparut, que firent les Anglois et les Bretons du coté le comte de Montfort; et trop grandement leur valsist ce jour cette bataille sur èle de monseigneur Hue de Cavrelée. Quand les Anglois et les Bretons de Monifort virent ouvrir et branler les François, si se confortèrent entre eux moult grandement, et eurent tantôt les plusieurs leurs chevaux appareillés : si montèrent et commencèrent à chasser fort vilement. Adonc se partit messire Jean Chandos, et une grand'route de ses gens, et s'en vinrent adresser sur la bataille de messire Bertran du Guesclin où on faisoit merveilles d'armes : mais elle éloit jà ouverte , et plusieurs bons chevaliers et écuyers mis en grand meschef ; et encore le furent-ils plus, quand une grosse route d' Anglois , et messire Jean Chandos, y survinrent. Là eut donné maint pesant horion de ces haches , et fendu et effondré maint bassinet; et maint homme navré à mort ; et ne purent, au voir dire , messire Bertran ni les siens porter ce faix. Si fut là pris messire Bertran du Guesclin d'un écuyer Anglois , dessous le pennon à messire Jean Chandos.

En celle presse, prit et fiança pour prisonnier le dit messire Jean Chandos un baron de Bretagne qui s'appeloit le seigneur de Rais, hardi chevalier durement. Après celte grosse bataille des Bretons rompue, la dite bataille fut ainsi que déconfite; et perdirent les autres tout leur arroy; et soi mirent en fuite, chacun au mieux qu'il put, pour se sauver; excepté aucuns bons chevaliers et écuyers de Bretagne, qui ne vouloient mie laisser leur seigneur monseigneur Charles de Blois , mais avoient plus cher à mourir que reproché leur fût fuite. Si se recueillirent et rallièrent autour de lui, et se combattirent

J. FROISSART. rl364j

depuis moult vaillamment et très âprement ; et là eut fait maint grand'appertise d'armes; et se tint le dit messire Charles de Blois et ceux qui de-lez lui étoient une espace de temps, en eux défendant et combattant : maisfinablemcnt ils ne se purent tant tenir qu'ils ne fussent déroutés par force d'armes ; car la plus grand' partie des Anglois conversoient celle part. Là fut la bannière de messire Charles de Blois conquise et jetée par terre, et celui occis qui la portoit. La fut occis en bon convine messire Charles de Blois, le viaire sur ses ennemis, et un sien fils bâtard, qui s'appeloit messire Jean de Blois, appert hommes d'armes durement, et qui tua celui qui tué avoit monseigneur Charles de Blois, et plusieurs autres chevaliers et écuyer» de Bretagne. Et me semble qu'il avoit été ainsi ordonné en l'ost des Anglois au matin , que , si on venoi tau-dessus delà bataille, et que messire Charles de Blois fût trouvé en la place , on ne le devoit point prendre à nulle rançon , mais occire. Et ainsi , en cas semblable , les François et les Bretons avoient ordonné de messire Jean de Montfort ; car en ce jour ils vouloient avoir fin de bataille et de guerre. Là eut , quand ce vint à la citasse et à la fuite, grand'mortalité, grand occision et grand'déconfiture , et maint bon chevalier et écuyer pris et mis en grand meschef. Là fut toute la fleur de chevalerie de Bretagne, pour le temps et pour la journée , morts ou pris; car moult petit de gens d'honneur échappèrent , qui ne fussent morts ou pris. Et par espécial, des bannerets de Bretagne, y demeurèrent morts messire Charles de Dynant , le sire de Léon , le sire d'Ancenys, le sired'Avaugour, le sire de Loheac, le sire de Guergorley, le sire de Malestroit, le sire du Pont, et plusieurs autres bons chevaliers et écuyers que je ne puis tous nommer; et pris, le vicomte de Rohan , messire Guy de Léon , le stre de Rochefort, le sire de Rais, le sire de Rieux, le comte de Tonnerre , messire Henry de Malestroit, messire Olivier de Mauny, le sire de Riville , le sire de Franville, le sire de Raineval; et plusieurs autres de Normandie; et plusieurs bons chevaliers et écuyers de France, avecques le comte d'Auccrre et le comte de Joigny. Briéveà parler, cette déconfiture fut

gens y eut morts, taut sur les champs , comme sur la place ; car elle dura huit grosses lieue» de

pays jusque s moult près de Rennes Si avinrent là en dedans maintes aventures, qui toutes ne vinrent mie à connaissance , et y eut aussi maint homme mort et pris et recru 3 sur les champs, ainsi que les aucuns eschéirent en bonnes mains , et qu'ils (rouvoient bons maîtres et courtois. Cette bataille fut assez près d'Auray en Bretagne , Tan de grâce Notre Seigneur 1364, le neuvième jour du mois d'octobre 3.