CHAPITRE CCLXIX

Comment le conm'Ublc de France et te <

En ce temps mirent sus les chevaliers de Picardie une chevauchée de gens d'armes, sur l'intention de chevaucher et aller voir ceux d'Ardre; de laquelle furent adonc chefs, monseigneur Moreau de Fiennes, connétable de France, et messire Jean de Werchin , sénéchal de Hainaut , par le commandement du roi de France. Si s'assemblèrent en la bonne ville de Saint-Omer; et étoient bien mille lances, chevaliers et écuyers. Si vinrent ces gens d'armes faire leur monstre par devant la bastide d'Ardre, qui bien étoit garnie et pourvue d'Anglois , et se logèrent pardevant , et donnèrent à entendre que ils leur tiendraient là le siège. Les Anglois qui pour ce temps étoient adonc dedans Ardre n'en furent néant ébahis, mais se ordonnèrent et appareillèrent pour défendre si on les assailloit. Si se ordonnèrent et arroièrent un jour les seigneurs de France et de flainaut qui là étoient , et se trairent tous sur les champs, en moult f risque et noble arroy, et là étoit grand'beauté de voir les baumere* de» seigneurs mettre en avant et

faire leur monstre. Si assaillit-on ce jour à petit de profit ; car il y en eut des navrés et des blessés , et si n'y conquirent rien. Et me semble , selon ce que je fus adonc informé , que au cinquième jour ils se départirent d'Ardre sans autre exploit , et se retournèrent chacun en son lieu. Ainsi se dérompit cette chevauchée.