CHAPITRE CCCXXI
t '-uniment meuire Raymon de Marcuil rut prit des Anglois , et
En ce temps s'en r'alloit de Paris en son pays messire Raymon de Mareuil, qui s'étoit tourné François. Si eut un assez dur rencontre pour lui ; car fl trouva une route d'Anglois et de gens monseigneur Hue de Cavrelée , que un chevalier de Poitou menoit. Si chéy si à point entre leurs mains qu'il ne put fuir; et fut pris et amené prisonnier en Poitou au chàtel du dit chevalier. La prise de messire Raymon fut sçue en Angleterre, et tant que le roi en fut informé. Si escripsit tantôt le dit roi devers le chevalier, en lui mandant qu'il lui envoyât tant < t son ennemi et traître monseigneur Raymon; car il en prendroit si grand'vcngeance que ce seroit exemple à tous autres, et pour sa prise il lui donneroit six mille francs. Messire Gcffroy d'Argenton, qui le tenoit, et en quelle prison il
étoit , ne voult mie désobéir au roi son gneur, et dit que tout ce feroit-il volontiers. Messire Raymon de Marueil fut informé comment le roi d'Angleterre le vouloit avoir et l'avoit mandé , et avisé de lui envoyer. Quand sçut ces nouvelles, si fut plus ébahi que devant; ce fut bien raison ; et commença en sa prison à faire les plus grands et les plus piteux regrets du monde, et tant que cil qui le gardoit, et qui étoit Anglois de la nation d'Angleterre, en eut grand'pitié et le commença à réconforter moult doucement. Messire Raymon, qui ne véoit nul reconfort en ses besognes, puisque mener en Angleterre on le devoit devers le roi , se découvrit envers sa garde et lui dit : « Mon ami , si vous me voulez ôter et délivrer de ce danger où je suis , je vous enconvenance et promets par ma loyauté que je vous partirai moitié à moitié de toute ma terre et vous en hériterai, ni jamais ne vous faudra!. » L' Anglois, qui étoit un povre homme , considéra que messire Raymon étoit en péril de sa vie, et qu'il lui promettoil grand'courtoisie , si en eut pitié et compassion, et dit qu'il se mettrait en peine de le sauver.
Adonc messire Raymon , qui fut moult réjoui de cette réponse, lui jura sa foi qu'il lui tiendroit ce que promis lui avoit , et encore outre s'U vouloit; et sur cel état, s'assurèrent et avisèrent comment il se pourroient chevir. Quand ce vint à la nuit, cil Anglois qui portoit les clefs du chàtel et de la tour où monseigneur Raymon étoit, ouvrit la prison et une poterne du chàtel , et fit tant qu'ils furent hors , et se mirent aux champs , et dedans un bois pour eux détourner, parquoi ils ne fussent rataints. Et eurent celle nuit tant de povreté que nul ne la pourroit penser; car Us cheminèrent plus de sept lieues tout à pied; et si avoit gelé, parquoi ils descirèrent tous leurs pieds; et firent tant qu'ils vinrent à lendemain en Anjou , en une forteresse françoise, où ils furent recueillis des compagnons qui la gardoient, auxquels messire Raymon conta son aventure. Si en louèrent tous Dieu quand ils le sçurent '
Bien est voir que à lendemain, quand on se fut aperçu qu'ils et oient partis , on les qutst i gens à cheval partout; maison n'en put nul trouver. Ainsi échappa de grand péril monseigneur Raymon de Marueil; et retourna en ii-
mousin, cl recorda à ses amis comment cil écuyer an/îlois lui avoit fait grand courtoisie. Si fut depuis le dit Anglois moult honoré entre eux; et bailler lui vouloit messire Raymon la moitié de son héritage; mais cil ne voult oneques tant prendre , fors seulement deux cents livres de revenue, et étoit assez, ce disoit , pour lui et son état maintenir.
