CHAPITRE CCCXXIII
chllel de Mon I paon , et comment le duc de baron* de Guyenne le* Tinrent aMrtger.
le et le*
Assez tôt après que le prince fut parti de Bordeaux, le duc de Lancastre entendit à faire l'obsèque de son neveu Édouard , le fils du prince son frère : si le fit faire moult grandement et moult révéremment en la dite cilé de Bordeaux; et là furent tous les barons de Gascogne et de Poitou qui avoient juré obéissance à lui. Pendant que ces ordonnances se faisoient, et que on entendoit à faire cel obsèque, et que ces seigneurs se tenoient à Bordeaux , issirent hors de la garnison de Pierregord bien deux cents lances de Bretons qui là se tenoient, que le dued' Anjou y avoit envoyés, des quels étoient capitaines quatre bons chevaliers et hardis hommes maternent : si les nommerai : messire Guillaume de Longval, messire Alain de la Houssaic, messire Louis de Mailly et le sire d'Arcy. Si chevauchèrent ces seigneurs et leurs routes jusques à un châtel bel et fort que on dit Montpaon1, dont un chevalier étoit sire. Quand ces barons furent venus jusques là, et ils eurent couru devant les barrières, ils montrèrent grand semblant d'assaut , et l'environnèrent moult faiticeraent. Messire Guillaume de Montpaon, à ce qu'il montra, avoit le courage plus François qu'A n'avoit anglois, et se tourna et rendit François à peu de fait ; et mit les dessus dits chevaliers et leurs gens en sa forteresse; lesquels dirent qu'ils la tiendroient contre tout homme. Si le réparèrent et rappareillèrent tantôt et rafraîchirent de ce qu'il appartenoit.
Ces nouvelles furent sçues à Bordeaux tantôt, comment le duc de Lancastre et les barons de Guyenne n'exploitaient mie bien ; car les Bretons chevauchoient et avoient pris Montpaon qui marchist assez près de lui : de quoi le dit duc et tous les seigneurs qui là étoient eurent grand'vergogne quand ils le sçarent ; et s'ordonnèrent et appareillèrent tous pour traire celle part , et partirent de la cité de Bordeaux sur un mercredi après boire.
Avec le duc de Lancastre étoit le sire de Pons, le sire de Parthenay, messire Louis de Harecourt,
1 II y a un boui-g ou village de ce nom dans le Rouer- W, nui» il parait que celui dont il s'agit ici était moins
messire Guichard d'Angle , messire Percevaux dr Couloingne , messire GcfProy d'Argenton , messire Jacques de Surgières , messire Maubrun dr Linières , mesire Guillaume de Montendre, messire Hugues de Vivones , le sire de Crupegnac et plusieurs autres barons et chevaliers de Poitou et de Xamtonge. Si y étoient de Gascogne :1c captai de Buch , le sire de Pommiers , messire Hélie de Pommiers, le sire de Chaumont, le sire de Montferrant , le sire de Langueren , le soudich de l'Kstran, messire Bernardet de Labreth sire de Géronde , messire Aymeri de Tarstes et plusieurs autres; et d'Angleterre, messire Thomas de Fellilon,messireThoniasdePercy,lcsire de Ros , messire Michel de la Poule , le sire de Villebi, messire Guillaume de Beauchamp, messire Richard de Ponichardon , messire Baudouin de Franville, messire d'Agouscs, et plusieurs autres. Si étoient bien sept cents lances et cinq cents archers. Si chevauchèrent moult arréement et ordonnèrent par devers Montpaon, et firent tant qu'ils y parvinrent.
Quand messire Guillaume de Montpaon seul que le duc de Lancastre et tous ses gens le t» noient assiéger, si ne fut mie trop assuré ; car bien savoit que s'il étoit pris, il le feroit mourir de maie mort, et que point ne serait reçu à merci; car trop il s'étoit forfait. Si s'en découvrit aux quatre chevaliers dessus dits et leur dit qu'il se partirait et irait soi tenir à Pierregord, et que du châtel ils fissent leur volonté. Adonc se partit le dessus dit ainsi que proposé l'avoit , et s'en vint en la cité de Pierregord qui est moult forte, et laissa son chàtel en la garde des quatre chevaliers dessus dits.
