CHAPITRE LXXIV

Comment le jeune roi Charles fut couronné roi de France. et " des ordonnances qui se firent tantôt après son couronnement.

Vous devez savoir que rien ne fut épargné des nobles et des seigneuries à faire au couronnement du jeune roi Charles de France qui fut couronné à Reims le jour d’un dimanche, au douzième an de son âge, l'an de grâce mil trois cent quatre vingt. A la solennité de son couronnement ot ‘grand’foison de grands seigneurs et hauts; ses quatre oncles y furent, Anjou, Berry, Bourgogne et Bourbon; et aussi ses grands oncles le duc Wincelins de Brabant, le duc de Bar, le duc de Lorraine. le comte de Savoye, le ‘comte de la Marche, le comte d'Eu, messire Guillaume de Namur ; mais le comte de Flandre et le comte Jean de Blois s’excusérent. Finablement il y eut si grand”foison de grands seigneurs que jamais je ne les aurois tous nommés. Et entra le jeune roi en la cité de Reims le samedi à heures de vépres, bien accompagné de noblesses, de hauts seigneurs et de menestrandies ; et par espécial il avoit plus de trente trompettes devant lui qui sonnoient si clair que merveilles: et descendit le jeune roi Charles de France devant l'église Notre-Dame de Reims, ses oncles et son frère en sa compagnie. Là étoient ses cousins, tous jeunes enfans aussi, de Navarre, de Labret, de Bar, de Harecourt, et grand'foison d'autres jeunesécuyers, enfans de hauts barons du royaume de France, lesquels le jeune roi, à lendemain dimanche, le jour de son couronnement, fit tous chevaliers. Et ouït ce samedi ses vépres | le rui en l'église de Notre-Dame de Reims, et veilla en l'église, ainsi que usage est, la greigneur

1 Le dimanche 4 novembre 1380,