LIVRE IL

furent toutes ses gens; si se mirent à défense moult vaillamment, et archers à traire contre les arbalètriers. Là eut escarmouche fière et dure, et des navrés et des blessés ; et vous dis bien que l'hôtel eût éte pris et conquis, mais messire Robert Canolle, qui étoit logé assez près, le sçut ; si s'arma et fit armer ses gens, et développer sa bannière, et se trairent moult coiment celle part. D'autre part messire Guillaume de Vindesore, qui en fut signifié et avisé, et ses gens, y vinrent tout le cours; et toujours venoient Anglois et sourdoient de tous côtés. Adonc se retraireut les François sur le rivage et vers leurs bateaux, quand ils virent que faire le convenoit, ou recevoir grand dommage. Là eut sur le rivage au retour ens ès bateaux grand escarmouche ; et moult vaillamment se portèrent les capitaines et y firent grandes appertises d'armes, et furent auques des derniers entrés. Toutefois il y en eut au rentrer des François pris, morts et noyés, ct retournérent à Nantes. Encore tinrent cette emprise, ceux qui en ouïîrent parler d’une part et d'autre, à grand hardiment et à grand’ vaillance, CHAPITRE LXXVE

Des enpêchemens que le duc de Bretagne avoit lors, pourqnuof il ne pouvoit venir au siége de Nantes ; et des escarmouches qui là se faisoient.

Quand les Anglois aperçurent que ceux de dedans les réveilloient si souvent, si eurent conseil entre eux que ils seroient mieux sur leur garde que ils n'avoient été, et feroient bon guet s dont il avint une nuit, le septième jour après que messire le Barrois avoit escarmouché sur la rivière, il issit de rechef sur la nuit à ia porte où le comte de Bouquinghen étoit logé ; et avoit le Barrois en sa compagnie environ deux cents hommes d’armes et cent arbalètriers. Cette nuit faisoient guet les Allemands, et étoient leurs capitaines messire Alchart et messire Tomas de Rodes. Si s'en vinrent férir les gens du Barrois, et il même tout devant , et Jean de Chastel - Morant , et le capitaine de Cliçon, sur ce guet entre ces Allemands. Là eut grand’escarmouche et dure, et des abatus à terre : adonc se levèrent ceux qui couchés étoient au logis du comte , et s'armèrent et se trairent tous de celle part où l'escarmouche étoit. Quand le Barrois des Barres, et ceux qui avec lui étoient, s'aperçurent que

force leur sourdoit trop grande, si se retrairent devers la porte en combattant, en traiant ct en escarmouchant. Si en y eut plusieurs blessés du trait et navrés d'une part et d'autre; et par espécial messire Thomas de Rodes, un chevalièr d'Allemagne, fut trait d'un vireton et percé tout outre le bassinet parmi la tête, duquel coup il mourut trois jours après : dont ce fut dommage, car il étoit moult appert chevalier. Si rentrèrent les François et les Bretons en Nantes à peu de dommage, et eurent six prisonniers. Et demeura la chose en cel état , et toujours les Anglois sur leur garde ; car toutes les nuits ils n'attendoient autre chose que d'être réveillés.

Ainsi se tenoient là devant Nantes à siége le comte de Bouquinghen et ses gens, et attendoient tous les jours le duc de Bretagne, qui point ne venoit, ni de ce que promis et juré leur avoit rien il n’en tenoit, dont ils étoient tous émerveillés à quoi il pensoit ; car de lui n’oyoient nulles nouvelles. Bien envoyèrent par devers lui aucuns messagers et lettres qui remontroient que il faisoit mal quand il ne tenoit les convenances telles que il les avoit promises et jurées à tenir par sa foi et accomplir, en la cité de Rennes. Mais de toutes les lettres que le comte de Bouquinghen y envoya, oncques n'en eut réponse ; et supposoient les Anglois que leurs messagers étoient morts sur le chemin ; car nul n'en retournoit ; et voirement alloient-ils en trop grand péril , et toutes gens aussi, si ils n'étoient du pays et bien accompagnés, entre Nantes et Haïnbont ; car les chemins étoient si près guettés des gens d’ärmes du pays, que nul ne pouvoit passer qu’il ne fût pris et que on ne sçôt : quelle chose il quéroit et vouloit; et si il portoit ‘ lettres des Anglois au duc, et du duc aux Anglois, il étoit mort, Avec tout ce les fourrageurs de l'ost n'osoient chevaucher sur le pays, en allant en fourrage, fors en grandes routes ; car les chevaliers et écuyers du pays étoient recueillis ensemble , et ne vouloient nullement que leurs terres fussent foulées ni courues : si que, quand ils trouvoient dix, ou vingt ou trente varlets, ils les occioient, ou leur tolloient le leur et leurs chevaux, et les battoient et navroient ; ni on n’en pouvoit avoir autre chose, dont ceux de l'ost étoient moult ecourroucés et n’en savoient sur qui prendre l'amende. Au voir dire le duc de Bretagne tiroit trop fort qu'il pôt avoir ses gens

d'accord, pour venir aider à mettre le siége devant Nantes par la terre et par la rivière, ainsi que ordonnance se portoit, et que en convenant il avoit eu à Rennes au comte de Bouquinghen ; mais il n'en pouvoit venir à chef; et disoient barons , chevaliers et écuyers, que jà ils n'aideroient à détruire leur terre pour la guerre des Anglois; ni tant que les Anglois fussent en Bretagne, ils ne s'armeroient avec lui. Et le duc leur remontroit pourquoi donc ils avoient consenti et ordonné de commencement au mander les Anglois. Ils répondoient que ce avoit été plus pour donner crémeur au roi de France et à son conseil , afin que ils ne fussent menés, fors aux anciens usases, que pour autre chose ; et au cas que le roi de France ne leur veult que tout bien, ils ne lui vouloient point de guerre. Autre chose ni autre réponse n'en pouvoit le duc avoir.

D'autre part le sire de Cliçon, connétable de France, le sire de Dinan, le sire de Laval, le vi: comte de Rohan , le sire de Rochefort et tous les grands barons hauts et puissans au pays de Bretagne se tenoient tous ensemble, leurs villes, leurs châteaux et forteresses clos et bien gardés ; et disoient au duc, ou faisoient dire par leurs messagers , que bien s’avisât ; car à avoit été simplement conseillé d'avoir mandé les Anglois et de les avoir mis au pays pour guerroyer et détruire sa terre; et que nul confort il n’auroit d'eux : mais si il alloit devant Nantes à siége, ainsi comme on avoit entendu que il le devoit faire, on lui détruiroit toute sa terre à tous lez ; et lui donneroient tant d'empêcheméns que il ne sauroit auquel lez entendre : mais se voulsist reconnoître et remettre en l'obéissance du roi de France, ainsi que faire le devoit et que tenu y étoit, et ils se faisoient forts et portoient outre que ils lui feroient sa paix envers le jeune roi de France. Et lui remontroient encore telles paroles en disant ainsi, que tel avoit encontre courage le roi Charles mort , qui viendroit et demeureroit grandement en l'amour du jeune roi son fils. De toutes telles choses des plus hauts barons de Bretagne étoit le duc servi. Si ne savoit au voir dire auquel, pour le mieux , entendre; car il ne trouvoit nul sûr état en ses gens : si lui convenoit dissimuler, voulsist ou non. Et toudis se tenoit le siége devant Nantes.

Le jour Notre-Dame des Avents! au soir, eu-

1 Le 8 décembre 1380

rent conseil les François, qui en Nantes se tenoient, qu'ils viendroient réveiller l’ost , car trop avoient reposé. Si issirent environ deux cents lances, desquels messire Amaury de Cliçon, cousin germain au scigneur de Cliçon, et le sire d’Amboise, étoient meneurs et gouverneurs, et s’en vinrent férir sur les logis messire Guillaume de Vindesore; et issirent par la poterne de Richebourg sur la rivière; et faisoient ce soir le guet les gens messire Hue de Cavrelée. A celle heure fut fait chevalier le sire d’'Ambhoise; et le fit chevalier messire Amaury de Cliçon. Ces gens d'armes bretons et françois se boutérent de grand'volonté au guet, et gagnèrent de pleine venue la barre du guet et le chevalier du guet qui s'appeloit messire Guillaume de Cousenton. Là eut forte escarmouche et dure, et maint homme renversé par terre. Messire Guillaume de Vindesore et messire Hue de Cavrélée, qui étoient en leur retrait, entendirent le hutin : si saillirent tantôt sus et s'armèrent et appareillérent, et vinrent celle part où le plus fort hutin étoit. Là eut trait , féru et lancé et escarmouché; et se portèrent toutes les parties vaillamment:; et rentrérent en combattant et escarmouchant tous les François et les Bretons en la poterne de Richebourg, par laquelle ils étoient issus; et sans dommage, car ils eurent un prisonnier chevalier et dix hommes d'armes; et il y en eut pris des leurs trois. Ainsi se porta cette nuittie.

Le jeudi devant la vigille de Noël, issirent de Nantes sur le soir, par la porte de Sauvetout, messire le Barrois des Barres et le sire de Selete, et six vingt hommes d'armes, et s’en vinrent férir au logis du comte de Bouquinghen; el faisoit ce soir le guet le comte de Devensière. Là ent grande escarmouche et forte, et maint homme renversé et bouté jus par terre des glaives. Mais les Anglois furent là plus forts que ceux de la ville ne furent : si furent reculés et reboutés ens ès barrières et en la porte à force. Si en y eut des leurs, que morts que pris, environ dix sept. Et là fut trait à l’escarmouche un chevaliér auglois qui s’appeloit messire Hugues Tiriel, et féru tout parmi son bassinet, de laquelle navrure il mourut. Adonc se retrairent toutes gens à leurs logis, et n'y eut plus nulle chose faite celle nuit : mais tous les capitaines de Nantes furent à conseil ensemble que, la nuit de Noël, à toute leur puissance, ils istroient de la