CHAPITRE LXXXIL

Coniment un traité de paix et accord fut trouvé entre ke roi de France et le duc de Bretagne.

Après ces faits d'armes qui furent faits en ces jours que le comte de Bouquinghen séjournoit à Vennes, n'y eut rien fait plus, de chose qui à recorder fasse. Et se tenoicnt les Anglois, ainsi comme j'ai ci-dessus dit, à Vennes, à Hainbont, à Camperlé et à Camper-Corentin, et passoient l'hiver tout au mieux qu'ils pouvoient. Si y orent les plusieurs moult de dommages et de dangers, et moult de malaises de vivres pour eux et pour leurs chevaux; car les fourriers ne trouvoient rien sur le pays que fourrager; et aussi en ce temps-là les granges sont vides, les foins sont usés, avec ce que les François y avoient rendu grande peine afin que leurs ennemis n'en eussent l’aisement. Et furent les Anglois en ce danger moult longuement; car les François étoient ès garnisons sur les-frontières moult puissamment, pourquoi les fourriers an glois n’osoient chevaucher. 1l vint aux Anglois aucunes vivres par mer, des Îles de Cornouaille, de Grenesée et de Wisque, et ce les reconforta moult; autrement eux et leurs chevaux fussent tous morts de famine.

Entrementes étoient à Paris, de par le duc de Bretagne, le vicomte de Rohan, le sire de Laval, messire Charles de Dinan et messire Guy de Rochefort qui lui procuroient sa paix devers le roi; et il les en laissoit convenir, car il voyoit bien qu'il ne pouvoit tenir son convenant aux Anglois, ni ce que il leur avoit promis, si il re vouloit perdre son pays. C'étoit l'intention du comte de Bouquinghen et de ses gens que ils passeroient l’hiver en la marche de Vennes, au plus bel que ils pourroient, et à l'été ifs retourneroient en France et y feroient guerre; et avoient écrit et mandé leur état au roi d’Angjieterre et au duc de Lancastre. Si étoit l'intention du duc et du conseil du roi anglois que l'avis et l'imagination du comte de Bouquinghen et de ses gens étoient bonnes; et leur avoit écrit que

C1 1 cute