LIVRE IT

Ceux de Gand regardèrent que ils étoient tenus par foi et par serment à eux conforter. Si avisérent premiérement deux capitaines Jean Boulle et Arnoux Clerc et leur dirent : Vous prendrez quatre mille hommes des nôtres et irez hâtivement à Yppre, et conforterez ceux de Yppre, ainsi que nos bons amis. » Tantôt à celle ordonnance se départirent tous ceux qui ordonnés y furent, les quatre mille, et s’en vinrent à Yppre ; dont ceux de la ville eurent grand'joie. Le comte de Flandre issit de. Bruges atout grands gens et s'en vint à Tourout , et le lendemain à Pourpringhe, et là séjourna trois jours, tant que toutes ses gens furent venus ; et étoient bien envi ron vingt mille hommes.