CHAPITRE X

Comment le bourg d'Espaigne rescouy la proie aux compagnous du chastel de Lourdes, el comment ils furent rués jus.

« Par ma foi, monseigneur, dis-je au chevalier, je vous ai volontiers oui parler; et ce fut voirement une dure et àpre besogne à si petit de gens. Et quelle chose avint-il à ceux qui conduisoient la proie? » — «de le vous dirai, dit-A. Au pont à Tournay, si comme je veus ai dit devant, dessous Mauvoisin, ils venoient passer, ainsi qu’ils l'avoient ordonné; et là trouvérentils l'embûche du Bourg d'Espaigne , qui étoit forte assez pour eux combattre, qui leur sailit tout au devant. Cils de Lourdes ne pouvoient reculer, et pour ce, aventurer les convenoit. Je vous dis voirement que là y ot-il aussi dure besogne et fort combattue qui dura aussi longuement et plus que celle de Marcheras. Et vous dis que le Bourg d'Espaigne y fit là merveille d'armes, qui tenoit une hache et ne féroit homme qu'il ne portit à terre; car il est bien taillé de cela faire, car il est grand et long et fort et de gros membres sans être trop chargé de chair : et prit là de sa main les deux capitaines, le Bourg de Carnillac et Perrot Palatin de Berne. Et là fut mort un écuyer de Navarre qui s'appeloit Ferrando de Mirande qui étoit moult appert et vaillant homme d'armes. Mais les aucuns disent, qui furent à la besogne, que le Bourg d’Espaigne l'occit, et les autres disent qu'il fut éteint en ses armures : finablement la proie fut rescousse et tous ceux qui la conduisoient morts ou pris. Ils ne s'en sauvèrent pas trois si ce ne furent varlets qui se mucièrent, se désarmérent et passèrent la rivière de Lèse au noer.

« Ainsi alla de celle aventure ; et ne perdirent oncques tant cils de Lourdes comme üls firent adonc. Si furent rançonnés courtoisement ; et aussi ils les changeoient l’un pour l'autre, car ceux qui se combattirent droit ei sur ke pas du Larre en fancèrent plusieurs, par quoi il convenoit que Hs fussent courtois et aimables à leurs compagnons. »—« Sainte Marie, sire, dis-je au chevalier, le Bourg d'Espaigne est-il si fort homme comme vous me contez?» — «Par ma foi, dit-il, oil, car en toute Gascogne, on ne trouveroit point son pareil de force de membres ; et pour ce le tient le comie de Foix à compa-

guon. Et n'a pas trois ans que je le vis faire au |

chastel à Ortais un grand ébattement et rével que je vous conterai. Il avint que au jour d’un Noël, le comte de Foix tenoit sa fète grande et planturèuse de chevaliers et d'écuyers, si comme

il a de usage, et en ce jour il faisoit moult froid. |

Le comte avoit diné en sa salle et avec lui grand fvison de seigneurs. Après diner il paruit de sa salle et s’en vint sus une galerie où il y a à monter, par une lkrge allée, environ vingtquatre degrés. En ces galeries a une cheminée où on fait par usage feu, quand le comte y séjourne, et non autrement. 11 y a petit feu, car ne voit pas volontiers grand feu. Si est bien en heu d'avoir plantureux feu de buches, car ce sent tous bois en Berne, et y a bien de quoi chauffer quand il veut, mais le petit feu il a de coutmne. Avint adonc que il geloit moult fort et l'air étoit moult froid. Quand il fut venu ès galeries il regarda le feu,et lui sembla assez petit, et dit aux chevaliers qui là étoient : « Vez-ci petit feu selon le froid. » Ernauton d'Espaigne entendit sa parole : si descendit tantôt les degrés ; car par les fenètres de la galerie qui regardoient sur la cour il vit là une quantité de ânes chargés de buches qui venoient du bois pour le service de l'hôtel. Il vint en la cour, et prit le plus grand de ces ânes tout chargé de buches, et le chargea sur son col moult légèrement, et l'apporta amont les degrés, et ouvrit la presse des chevaliers et écuyers qui devant la cheminée étoient, et renversa les buches et l'âne les pieds dessus en la cheminée sur les cheminaux, dont le comte de Foix ot grand'joie et tous ceux qui h étoient ; et s'émerveilloient de la force de l'écuyer, comment tout seul il avoit si grand faix chargé et monté tant de degrés. Celle appertise vis-je faire, et aussi firent plusieurs, au Bourg d'Espaigne. » |

Moult me tournoient à grand'plaisance et re-

création les contes que messire Espaing de Lyon

me contoit et m'en sembloit le chemin trop plus

bref. En contant telles aventures passämes-nous

le Pas au Larre et le chastel de Marcheras où la bataille fut, et vinmes moult près du chastel de Barbesan qui est bel et fort, à une petite lieue de Tharbe; nous le véions devant nous, ct un trop beau chemin et plain à chevaucher, en cô- Wyant la rivière de Lisse qui vient d'amont des montagnes.