LIVRE HE

oO!

ponse. » Adonc sc départit Le roi de Icur présence et rentra en sa chambre. Je ne sais si il se conseilla ou non, ni comment la besogne se porta, mais iceux six hommes de Betances furent là huit jours que oncques ils ne furent répondus, ni depuis ils ne virent point le roi.

Or vint le jour que la.ville se devoit rendre, et point n'étoient encore retournés leurs gens. Le duc de Lancastre envoya son maréchal au dixième jour parler à ceux de Beiances et dire que ils se rendesissent, ou il feroit couper les têtes à leurs otages. Le maréchal vint à Betances jusques aux barrières et fit là venir les hommes de la ville parler à lui ; ils y vinrent. Quand ils y furent venus, il leur dit : «Entendez, entre vous bonnes gens de Betances ; monseigneth m'envoie devers vous et vous fait demander pourquoi vous n'apportez les clefs de celle ville à son logis et vous mettez en son obéissance ainsi que faire devez. Les neuf jours sont accomplis dès hier et bien le savez. Si vous ne le faites, il fera trancher les tètes à vos otages et puis vous viendra assaillir et prendre par force, et serez tous morts sans merci, ainsi que furent ceux de Ribadave. »- |

Quand les hommes de Betances entendirent ces nouvelles, si se doutèrent à perdre leurs amis qui étoient en otages devers le duc, et dirent : «En bonne vérité, monseigneur le maréchal, monseigneur de Lancastre a cause de dire ce que vous dites ; mais, nous ne oons nulles nouvelles de nos gens que nous avons pour icelle cause envoyés devers le roi au Val-d'Olif ni que ils sont devenus. » — « Seigneurs, dit le maréchal, espoir sont-ils retenus pour les nouvelles que ils ont là apportées, qui ne sont pas ni ont été trop plaisantes au roi de Castille. Et monseigneur ne veut plus attendre. Pourtant avisez-vous, car moi fait votre réponse, il est ordonné que vous aurez lassaut.» Donc reprirent-ils la parole et dirent : «Sire, or nous laissez assembler toute la ville et nous parlerons ensemble. Je le vucil , » dit-il.

Lors rentrèrent-ils en Betances et firent sonner de rue en ruc les trompettes pour assembler toutes manières de gens et venir en Ja place. Ils s'assemblèrent ; et quand ils furent tous assemblés, ils parlementèrent ; et remontrèrentles plus notables à la communauté toutes les paroles que vous avez Quies. Si furent d'accord que ils ren-

droient la ville et racheteroient leurs vtages qui cn prison étoient, car ils ne les vouloient pas perdre. Si retournèrent au maréchal et dirent ces nouvelles en disant : «Mosscigneur le maréchal, en toutes vos demandes n'y a que raison : nous sommes appareillés de recevoir monseigneur et madame et mettre en la possession de celle ville, et véez-cy les clefs. Nous nous en irons avecques vous devers eux en leurs logis, mais que il vous plaise et que vous nous y veuilliezmener. » Répondit le maréchal : « Oui , volontiers. »

Donc yssirent de Betances bien soixante, et

emportèrent avecques eux les clefs des portes, :

et le maréchal les mena tout droit au duc et fit pour eux l'entrée et la parole. Le duc les recueillit et leur rendit leurs otages, et entra ce jour en la cité de Betances et s'y logea. Et s'y logèrent aussi ses gens qui loger s’y purent.

Au chef de quatre jours après ce que Betances se fut rendue au duc de Lancastre, retournèrent les six hommes, lesquels avoient été envoyés au Val-d'Olif, devers le roi de Castille. Si furent enquis et demandés de ceux de la ville pourquoi ils avoient tant demouré. Ils répondirent qu'ils ne l’avoient pu amender. Bien avoient parlé au roi ; et répondit le roi, quand ils les eut ouïs et entendus, que il se conseilleroit sus pour donner réponse ; cet pour ce séjournâmes-nous là huit jours, et encore sommes-nous retournés sans réponse. » On ne leur demanda plus avant ; mais ils dirent bien que on disoit au Val-d'Olif que le roi de Castille attendoit grand'gens qui venoient de France, et jà en y avoit foison de venus qui étoient logés sus le pays et se logeoient à la mesure qu'ils venoïent. Mais encure étoient les capitaines, messire Guillaume de Lignac, et messire Gautier de Passac, derrière, et les grosses routes , et étoient jà sus le chemin La greigneur partie des chevaliers et des écuyers qui en Espaigne devoieut aller avecques les dessus dits deux capitaines; mais ceux qui étoient retenus de la route du duc de Bourbon étoient encore en leurs hôtels.

Or passèrent messire Guillaume de Lignac et messire Gautier de Passac tout outre le royaume de France et entrèrent tous, eux et leur route, en la Languedoc. Et étoient plus de mille lances chevaliers et écuyers, de tous pays du royaume de France, lesquels alloient en Castille pour gaguer les gages du roi. Et s'assemblèrent toutes

gens en Carcassonne, en Narbonne et en Toulousain; et ainsi qu'ils venoient ils se logeoient en ce bon pays et prenoient à leur avis le plus gras. Et tant y avoit des biens que ils ne payoïent chose que ils y prensissent.

Les nouvelles vinrent au comte de Foix qui se tenoit à Ortais en Berne, que gens d'armes de France approchoïent son pays à pouvoir et vouloient passer parmi, et alloient en Espaigne. « Mais tant ya, monseigneur, ilsne payent chose que ils prennent ; et fuit tout le menu peuple par-tout où ils viennent , devant eux, si comme ils fussent Anglois. Mais encore se tiennent les capitaines à Carcassonne, et leurs gens là environ qui s’y amassent de tous lez. Et passeront la rivière de Garonne à Toulouse, et puis entreront en Bigorre, et de là ils seront tous en votre pays. Et si ils y font ce que ils ont fait au chemiu que ils sont venus, ils vous porteront et à votre pays de Berne grand dommage; regardez que vous en voulez dire et Faire. »

Répondit le comte de Foix, qui tantôt fat conseillé de soi-mème, et dit : «Je veuil que toutes més villes et mes châteaux, autant bien en Foix comme en Berne, soient pourvus et gardés de gens d'armes, et tout le plat pays avisé de chacun être en sa garde, ainsi que pour tantôt entrer en bataille : je ne vueilk pas comparer la guerre de Castille. Mes terres sont franches. Si François veulent passer parmi, vraiment ils payeront tout ce que ils prendront ou les passages leur seront clos. Et si vous en charge, messire Arnoul Guillaume et vous messire Pierre de Berne.» Ces deux chevaliers étoient frères bâtards, vaillans hommes; et bien se savoient eux maintenir en armes. « Monseigneur , répondirent ceux, et nous nous en chargeons. »

Donc furent parmi toutes les terres du comte de Foix faites ordonnances que chacun fût prèt et pourvu de toutes armures ainsi comme à lui appartenoit, et que autrefois l'avoient été au mieux; et que du jour à lendemain ils vinssent ä où ils seroient mandés. Lors vissiez en Foix, en Berne et en la seneschauldie de Nebosem toutes gens prêts et appareillés, ainsi que pour tantôt entrer en bataille. Si fut envoyé en la cité de Pamiers, lui bien bourdé de cent lances et de bonnes gens d'armes, messire Espaing de Lyon; à Savredun, messire Ricart de Saint-Léger ; à

.Massères se tint messire Pierre de Berne, à cent

hnces; à Bellepuich , à l'entrée de la comté de de Foix, messire Pierre Cabestan; à Saint-Thibaut , sus la Garonne, messire Pierre Mennaulx de Novailles, à cinquant: lances; à Palamininch, messire Pierre de la Roche ; au chastel de La-” mesen, le bâtard d'Éspaigne; à Morlaus, messire Arnault Guillaume, atout cent lances, à Pau, messire Guy de la Mote; au Mont-de-Marsan, messire Raymond de Chastel-Neuf ; à Sauveterre, messire Y vain de Foix. fils bâtard du comte; à Montesquieu, messire Berdruc de Nebosem; à Aire, messire Jean de Sainte-\arcille; à Oron, messire Hector de la Garde ; à Montgerbiel, Jean de Chastel-Neuf; à Erciel, Jean de Morlans. Et manda à messire Raymond l'ains-né, lequel avoit le chastel de Mauvoisin en garde, que il fût soigneuz de toute la frontière. Et envoya à Saint- Gausens un sien cousin, Ernauton d'Espaigne.

Briévement , il ne demeura cité, ville ni chastel en Foix nien Berne qui ne fût rafreschi et pourvu de gens d'armes. Et se trouvoit bien garni de deux mille lances et de vingt mille hommes d’armes tous d'élite. Il disoit que c'étoit assez pour attendre le double d'autres gens d'armes.

Les nouvelles vinrent à messire Guillaume de Lignac, qui se tenoit à Toulouse, et à messire Gautier de Passac, qui séjournoit à Carcassonne, comment le comte de Feix se pourvéoit de gens d'armes et mettoit en garnisons par toutes ses villes et forteresses. Et couroit renommée que il ne lairoit passer nulluy parmi sa terre. Si en furent ces deux chevaliers, pourtant que ils étoient capitaines de tous les autres, tous esbahis. Et si mirent journée de parler ensemble; et chevauchèrent chacun pour trouver lun lautre ainsi que au moitié du chemin. Et vinrent au Chastel-Neuf- d’Aury, et parlèrent là ensemble du comte de Foix comment ils s'en cheviroient ; et dit messire Guillaume à messire Gautier : « Au voirdire , c’est merveille que leroide France etson conseil n’en ont escript à lui pour ouvrir sa terre paisiblement. » — « Messire Gautier, dit messire Guillaume, il vous faudra aller parler à lui doucement, et dire que nous sommes ci envoyés de par le roi de France pour passer, nous et nos gens, paisiblement, et payer ceque nous prendrons. Sachezque le comte de Foix est bien si grand que, si il ne veut, nous n'aurons point de passage parmi sa terre, et nous faudra passer parmi Arragon qui nous est trop long, et nous tourneroit à trop